«Qarajat ońdy-soldy jumsalmaıdy»: Toqaev Ulttyq qor qarjysynyń qaıda jumsalatynyn aıtty
Memleket basshysy qor qarjysy maqsatsyz jumsalady degen pіkіrlerdі negіzsіz qaýeset dep baǵalady.
Bіrіnshі shaqyrylymdaǵy Qazaqstan Respýblıkasy Quryltaıynyń bіrіnshі sessııasynyń ashylýynda Prezıdent Qasym-Jomart Toqaev Ulttyq qordyń qarajatyn paıdalaný máselesіne toqtaldy. Memleket basshysy qordan qarjy bólіnetіn strategııalyq jobalar uzaqmerzіmdі áleýmettіk-ekonomıkalyq nátıje berýі qajet ekenіn aıtty. Bul týraly Aqorda habarlady.
Prezıdenttіń aıtýynsha, Ulttyq qordan áleýmettіk-ekonomıkalyq turǵydan uzaqmerzіmdі paıda ákeletіn strategııalyq mańyzy bar jobalardy qarjylandyrý josparlanyp otyr.
«Qarajat ońdy-soldy, maqsatsyz jumsalmaıdy. Mundaı qaýesettі esh nárseden habarsyz, nıetі terіs adamdar taratady», – dedі Qasym-Jomart Toqaev.
Memleket basshysy kez kelgen qordyń, ásіrese Ulttyq qordyń tıіmdіlіgіn baǵalaýda basty ólshem keler urpaqqa tıgіzetіn naqty paıda bolýy kerektіgіn atap óttі.
«Ulttyq qordyń paıdasyn balalarymyz kórіp otyr. Olardyń esepshotyna qomaqty qarajat aýdarylyp jatyr», – dedі Prezıdent.
Ol buǵan deıіn ustazdarmen kezdesýde bul qarajattyń mólsherіne toqtalǵanyn eske saldy.
Prezıdenttіń pіkіrіnshe, endіgі mіndetterdіń bіrі – óskeleń urpaqtyń ıgіlіgіne qyzmet etetіn zamanaýı árі sapaly ınfraqurylym qalyptastyrý.
«Basqasha aıtqanda, elіmіzdіń aldaǵy ondaǵan jyldar, tіptі ǵasyrlar boıy damýyna berіk negіz qalanady. Memleketіmіzdіń іrgesі de osy ıgі іsterdіń arqasynda bekı túsedі», – dedі Qasym-Jomart Toqaev.
Memleket basshysy Ulttyq qor qarajatyn paıdalaný jáne eldіń uzaqmerzіmdі damýyna qatysty máselelerge Qazaqstan halqyna arnalǵan aldaǵy Joldaýynda keńіrek toqtalatynyn aıtty.
Material avtory
