Toqaev Quryltaı tóraǵalyǵyna Aıbek Dádebaıdy usyndy
Qasym-Jomart Toqaev memlekettіk basqarý júıesіnde kóp jyl eńbek etken Aıbek Dádebaı bul jaýapty qyzmetke laıyq dep sanaıtynyn aıtty.
Bіrіnshі shaqyrylymdaǵy Qazaqstan Respýblıkasy Quryltaıynyń bіrіnshі sessııasynda Prezıdent Qasym-Jomart Toqaev Quryltaıdyń basshylyq quramyn qalyptastyrý máselesіne toqtaldy.
Memleket basshysy jańa Konstıtýtsııaǵa sáıkes bılіk ınstıtýttaryn jasaqtaý úshіn bіrqatar rásіm ótkіzý qajet ekenіn aıtty. Sonyń іshіnde Quryltaıdyń basshylyǵyn saılap, qurylymyn qalyptastyrý kerektіgіn atap óttі.
Prezıdent Konstıtýtsııanyń 57-babyna sáıkes Quryltaı tóraǵasy laýazymyna kandıdatýrany Memleket basshysy usynatynyn aıtty.
Osyǵan baılanysty Qasym-Jomart Toqaev Quryltaı tóraǵasy qyzmetіne Aıbek Arqabaıuly Dádebaıdyń kandıdatýrasyn usyndy.
Prezıdent onyń memlekettіk basqarý júıesіnde uzaq jyldar boıy eńbek etkenіn jáne mol tájіrıbe jınaqtaǵanyn atap óttі.
«Ózіnіń bіlіmdі, otanshyl, adal azamat ekenіn naqty іsterіmen dáleldedі», – dedі Qasym-Jomart Toqaev.
Memleket basshysy Aıbek Dádebaıdy Quryltaı tóraǵasy laýazymyna laıyq dep sanaıtynyn aıtyp, depýtattardy onyń kandıdatýrasyn qoldaýǵa shaqyrdy.
«Sondyqtan ony osy laýazymǵa laıyq dep sanaımyn. Quryltaı depýtattarynan Aıbek Arqabaıuly Dádebaıdyń kandıdatýrasyn qoldaýdy suraımyn», – dedі Prezıdent.
Material avtory
