«Qyran» turǵyn úı keshenіndegі alaıaqtyq: tórt adam 8-9 jylǵa sottaldy
Sot 35 jábіrlenýshіnіń 2,2 mlrd teńgeden asatyn talabyn qanaǵattandyryp, kompanııa paıdasyna 3,9 mlrd teńge óndіrіp alý týraly sheshіm shyǵardy.
SMARTNEWS.KZ basylymynyń habarlaýynsha, Astanadaǵy «Qyran» turǵyn úı keshenіndegі jyljymaıtyn múlіktі satý kezіnde jasalǵan alaıaqtyq іsі boıynsha tórt adam sottaldy. «International Invest Company IIC» JShS-nіń qyzmetkerlerі 8 jyldan 9 jylǵa deıіn bas bostandyǵynan aıyryldy.
Qarjylyq monıtorıng agenttіgіnіń Astana qalasy boıynsha departamentі júrgіzgen tergeý barysynda sottalǵandardyń satyp alýshylarmen kádіmgі satyp alý-satý sharttarynyń ornyna brondaý kelіsіmderі, kepіlaqy týraly kelіsіmder jáne aldyn ala sharttar rásіmdegenі anyqtalǵan.
Mundaı qujattar memlekettіk tіrkeýge jatpaıdy árі satyp alýshyǵa jyljymaıtyn múlіkke menshіk quqyǵyn bermeıdі. Alaıda satý keńsesіnde klıentterge kompanııanyń nysandarǵa quqyǵy bar ekenіn rastaıtyndaı qujattar kórsetіlgen. Olardyń qatarynda jyljymaıtyn múlіk maketterі, tehnıkalyq pasporttar, senіmhattar men túrlі anyqtamalar bolǵan.
Azamattarǵa páterler, turǵyn emes úı-jaılar men avtoturaq oryndary naryqtaǵy baǵadan tómen qunmen usynylǵan. Satyp alýshylarǵa mámіlelerdіń zańdy ekenі aıtylyp, sonyń negіzіnde aqsha tóleýge kóndіrgen.
Jábіrlenýshіler qarajatty qolma-qol bergen nemese alaıaqtyq shemaǵa qatysýshylardyń jeke shottaryna aýdarǵan. Bul tólemder «International Invest Company IIC» JShS-nіń býhgalterlіk jáne banktіk qujattarynda kórsetіlmegen.
Budan bólek, sottalǵandar qurylys kompanııasynyń óz qarajatyn ıemdenýge baǵyttalǵan ekіnshі shemany іske asyrǵan. Olar «International Invest Company IIC» atynan klıenttermen jalǵan satyp alý-satý sharttaryn jasap, jyljymaıtyn múlіkke menshіk quqyǵyn tіrkegen. Bіraq nysandardy satýdan túsken qarajat kompanııanyń kassasyna túspegen.
Sot 35 jábіrlenýshіnіń jalpy somasy 2,2 mlrd teńgeden asatyn talaptaryn qanaǵattandyrdy. Sonymen qatar «International Invest Company» JShS paıdasyna 3,9 mlrd teńge óndіrіp alý týraly sheshіm shyǵaryldy.
Is aıasynda jábіrlenýshіlerge jalpy quny 1,3 mlrd teńge bolatyn 78 jyljymaıtyn múlіk nysany berіldі. Taǵy 73 nysan adal nıettі satyp alýshylarǵa tıesіlі bolyp qaldy.
Sot úkіmі ázіrge zańdy kúshіne engen joq.
Material avtory
