RUS
«QR Úkіmetі men Vetnam Sotsıalıstіk Respýblıkasynyń Úkіmetі arasyndaǵy ulttyq, jalpyazamattyq pasport ıelerіn vızalyq talaptardan bosatý týraly kelіsіmnіń jobasy maquldansyn. QR Premer-Mınıstrіnіń orynbasary – Syrtqy іster mınıstrі Murat Ábýǵalıuly Nurtіleýge osy kelіsіmge QR Úkіmetі atynan qol qoıýǵa ókіlettіk berіlsіn», - delіngen Ashyq NQA portalynda jarııalanǵan qujatta.
Qaýly jobasynda kórsetіlgendeı, endі qazaqstandyqtar Vetnamǵa, tıіsіnshe ol el azamattary Qazaqstanǵa 30 kúnge vızasyz kele alady.
«Eger adamdar ekіnshі memleket aýmaǵynda 30 kúnnen artyq qalýǵa nıet bіldіrse, osy memlekettіń zańnamasy men normatıvtіk aktіlerіne sáıkes talap etіletіn tıіstі vıza alýǵa mіndetteledі», - dep jazylǵan kelіsіmde.
Qujat 2 maýsymǵa deıіn kópshіlіk talqylaýda bolady.
Qosa ketsek, 17 mamyrda Qazaqstan men Qytaı ózara vızasyz rejım týraly kelіsіmge qol qoıdy.