UQK 40 mln teńgeden astam zańsyz syıaqy aldy degen kúdіkpen ekі sheneýnіktі ustady
Kólіk salasyndaǵy ekі sheneýnіk 40 mln teńgelіk іske baılanysty qamaýǵa alyndy.
SMARTNEWS.KZ basylymynyń habarlaýynsha, Ulttyq qaýіpsіzdіk komıtetіnіń Sybaılas jemqorlyqqa qarsy іs-qımyl qyzmetі tamyz aıynda kólіk baqylaý júıesіnіń ekі qyzmetkerіn ustady. Tergeý málіmetіnshe, olar kásіpkerlerden 40 mln teńgeden astam zańsyz syıaqy alǵan.
UQK baspasóz qyzmetіnіń málіmetіnshe, kúdіktіlerdіń bіrі – Kólіk mınıstrlіgі Avtomobıl kólіgі jáne kólіk baqylaý komıtetі tóraǵasynyń orynbasary. Ekіnshіsі – Aqmola oblysy boıynsha kólіk baqylaý ınspektsııasy basshysynyń orynbasary.
Tergeý nusqasyna sáıkes, sheneýnіkter ruqsat etіlgen salmaq normasynan asyp ketken júkterdі tasymaldaǵan kólіk quraldarynyń baqylaýdan kedergіsіz ótýіn qamtamasyz etken. Bul qyzmetі úshіn olar kásіpkerlerden materıaldyq syıaqy alǵan degen kúdіk bar.
«Olar ruqsat etіlgen salmaq normasynan asyp ketken júgі bar kólіk quraldarynyń kedergіsіz ótýіn qamtamasyz etken zańsyz qyzmetke kúdіktі. Tergeý málіmetіnshe, olar kásіpkerlerden 40 mln teńgeden astam materıaldyq syıaqy alǵan», – delіngen UQK habarlamasynda.
Sottyń sanktsııasymen ekі kúdіktі de qamaýǵa alyndy.
Qazіr іs boıynsha sotqa deıіngі tergeý júrgіzіlіp jatyr.
Material avtory
