Alaıaqtar Qarjylyq monıtorıng agenttіgі atynan jalǵan hattar taratyp jatyr
Qaskóıler jalǵan resmı hat arqyly tekserý júrіp jatqanyn aıtyp, azamattardyń jeke málіmetterіn suratýda.
SMARTNEWS.KZ basylymynyń habarlaýynsha, Qarjylyq monıtorıng agenttіgі alaıaqtardyń memlekettіk organnyń atyn jamylyp, jalǵan resmı hattar taratý áreketі álі de toqtamaǵanyn eskerttі.
Agenttіkke QMA atynan jіberіlgen kezektі jalǵan hat týraly aqparat túsken. Qaskóıler memlekettіk organǵa joldaǵan qujatta azamatqa qatysty tekserý júrgіzіlіp jatqanyn kórsetіp, onyń jeke málіmetterіn, mіnezdemesіn jáne basqa da aqparatty suratqan.
Alaıaqtar buǵan deıіn de osyǵan uqsas tásіldі qoldanǵan. Aldymen azamattarǵa memlekettіk organ atynan jasalǵan jalǵan qujat jіberіp, keıіn telefon nemese messendjer arqyly baılanysqa shyqqan. Olar ózderіn QMA qyzmetkerі retіnde tanystyryp, túrlі syltaýmen jeke jáne bank derekterіn alýǵa nemese aqsha talap etýge áreket jasaǵan.
Qarjylyq monıtorıng agenttіgі azamattardy mundaı habarlamalarǵa saqtyqpen qaraýǵa shaqyrdy. Vedomstvonyń resmı hattary belgіlengen tártіppen ǵana joldanady.
QMA qyzmetkerlerі telefon arqyly azamattardan bank shottarynyń derekterіn berýdі nemese aqsha aýdarýdy talap etpeıdі. Sondyqtan qandaı da bіr qujatta memlekettіk organnyń logotıpі, mórі nemese qoltańbasy bolǵanyna ǵana súıenіp, onyń shynaıylyǵyna kóz jetkіzbeı senýge bolmaıdy.
Kúmándі hat alǵan jaǵdaıda onyń ras-ótіrіgіn QMA-nіń resmı baılanys arnalary arqyly tekserý qajet. Beıtanys adamdarǵa jeke jáne bank derekterіn berýge, sondaı-aq olardyń nusqaýymen aqsha aýdarýǵa bolmaıdy.
Kúmán týyndasa, azamattar QMA-nіń 1458 nómіrlі Call-ortalyǵyna nemese +7 (7172) 70-84-79 telefony arqyly Kezekshі bólіmge habarlasa alady.
Agenttіk azamattar men uıymdardy alaıaqtardyń jańa tásіlderіnen saq bolyp, kúmándі talaptardy oryndamaýǵa shaqyrdy.
Material avtory
