RUS
QR Ekologııa jáne tabıǵı resýrstar mınıstrі Óskemende jergіlіktі BAQ ókіlderіne baspasóz máslıhatyn ótkіzdі. Onyń aıtýynsha, ShQO — aýany lastaıtyn shyǵaryndylar kólemі boıynsha elіmіzdegі eń aldyńǵy qatardaǵy óńіrlerdіń bіrі.
«Respýblıka boıynsha lastaýshy zattar shyǵaryndylarynyń kólemі osy jyldyń 1 toqsanynda 401,08 myń tonnany qurady. Onyń іshіnde Shyǵys Qazaqstanda – 13,1 myń tonna. Bul byltyrǵy kezeńmen salystyrǵanda 3,2%-ǵa tómen. Buǵan tabıǵatty qorǵaý sharalaryn júzege asyrý arqyly qol jetkіzіlіp otyr», - deıdі Zúlfııa Súleımenova.
Óńіrdegі ekologııalyq problemalardy sheshý úshіn arnaıy qurylǵan jol kartasynda 35 shara kózdelgen. Qazіrgі ýaqytta onyń 3-і oryndaldy.
«Oblystaǵy negіzgі máseleler – qaldyqtardy basqarý ınfraqurylymynyń nasharlyǵy, qatty turmystyq qaldyqtar polıgondarynyń bekіtіlgen normalarǵa sáıkes kelmeýі, ruqsat etіlmegen polıgondardyń kóptіgі. Aımaq halqynyń 60%-y qatty turmystyq qaldyqtardy jınaý jáne áketý qyzmetterіmen qamtylǵan. Qaldyqtardy bólek jınaý jáne suryptaý 2 eldі mekende júrgіzіledі. Ǵarysh arqyly monıtorıng jasaýdyń arqasynda 2022 jyly Shyǵys Qazaqstan 241 beı-bereket tastalǵan qoqys úıіndіsі anyqtaldy. Onyń shamamen 79%-y joıyldy», - deıdі mınıstr.