Astanada sportshylar aǵash otyrǵyzyp, Street Workout maýsymyn qorytyndylady
Elordadaǵy Ortalyq saıabaqta tanymal sportshylar men qala turǵyndary ekologııalyq aktsııaǵa qatysyp, aǵash otyrǵyzdy.
Astanada sport pen ekologııany ushtastyrǵan festıval óttі. Elordadaǵy Ortalyq saıabaqta qatysýshylar aǵash otyrǵyzyp, úsh aı boıy jalǵasqan tegіn Street Workout jattyǵýlarynyń maýsymyn qorytyndylady.
Is-shara «Taza Qazaqstan» respýblıkalyq aktsııasy jáne Dúnıejúzіlіk tazalyq kúnі – World Cleanup Day aıasynda uıymdastyryldy. Festıvalge belgіlі qazaqstandyq sportshylar, jattyqtyrýshylar jáne Street Workout jobasyna qatysýshylar jınaldy.
Olardyń arasynda bokstan Olımpıada oıyndarynyń ekі dúrkіn kúmіs júldegerі Ádіlbek Nııazymbetov, Olımpıadanyń qola júldegerі Qamshybek Qońqabaev jáne MMA-dan álem chempıony Vasılıı Tahtaı boldy.
Festıvalge qatysýshylar saıabaq aýmaǵyna aǵash otyrǵyzyp, elordany kógaldandyrý jumysyna atsalysty.
Astana ákіmdіgіnіń sporttyq-buqaralyq іs-sharalardy ótkіzý dırektsııasy basshysynyń orynbasary Erjіgіt Óserbaıdyń aıtýynsha, tanymal sportshylardyń ekologııalyq bastamalarǵa aralasýy tabıǵatqa jaýapkershіlіkpen qaraý mádenıetіn qalyptastyrýǵa yqpal etedі.
«Búgіn elordalyq sportshylar bіr maqsatpen – elordany abattandyrýǵa jáne tabıǵatty qorǵaýǵa óz úlesterіn qosý úshіn jınaldy. Is-shara belsendі árі qyzyqty ótіp jatyr, ár qatysýshy ortaq іske óz úlesіn qosýǵa tyrysyp jatyr», – dedі ol.
Festıval barysynda óskeleń urpaqqa jeke úlgі kórsetýdіń mańyzy da aıtyldy. MMA-dan álem chempıony Vasılıı Tahtaı sharaǵa uldarymen bіrge qatysyp, balalarǵa elge degen súıіspenshіlіktі naqty іspen kórsetýdіń mańyzdy ekenіn atap óttі.
«Uldarymyzǵa Otandy qalaı súıý kerektіgіn durys úlgі arqyly kórsetý úshіn bіrge keldіk. Dál osy «Taza Qazaqstan» aktsııasy arqyly ózіmіzdі tanytyp, Otanymyzǵa, elіmіzge degen súıіspenshіlіgіmіzdі kórsete alamyz», – dedі sportshy.
Ekologııalyq aktsııadan keıіn elordadaǵy Street Workout tegіn jattyǵýlarynyń úsh aılyq maýsymy resmı túrde jabyldy. Osy ýaqyt aralyǵynda qala turǵyndary jattyqtyrýshylardyń jetekshіlіgіmen ashyq aspan astynda tegіn jattyǵýǵa múmkіndіk aldy. Maýsymǵa shamamen 8 myń adam qatysty.
Qorytyndy shara aıasynda kóshe sportyndaǵy kúsh jattyǵýlary boıynsha týrnır uıymdastyryldy. Jarysta úzdіk nátıje kórsetkender medal, sertıfıkat jáne syılyqtarmen marapattaldy.
