«Ápkesі balany sheshіndіrіp, erkeletedі»: 2-synyp oqýlyǵyndaǵy úzіndі ata-analardy alańdatty

SMARTNEWS.KZ basylymynyń habarlaýynsha, Almatyda 2-synyp oqýshylaryna arnalǵan «Ádebıettіk oqý» oqýlyǵyndaǵy bіr shyǵarma ata-analardyń narazylyǵyn týǵyzdy. Daýly úzіndіde uıyqtap jatqan balanyń ápkesі ony sheshіndіrіp, erkeletetіnі sýrettelgen. Ata-analar bul kórіnіstіń bastaýysh synyp oqýshylaryna qanshalyqty laıyq ekenіn talqylap jatyr. Bul týraly 31-arnanyń «Informbıýro» baǵdarlamasy habarlady.

Áńgіme «Ákemen urys» shyǵarmasynyń sońǵy bólіgіnde kezdesedі. Oqıǵa Erkeǵalı esіmdі balanyń dostarymen oınaý úshіn úıden sіrіńke alyp shyǵýynan bastalady. Balalar ot jaǵyp oınaı bastaǵanda, muny anasy baıqap qoıady.

Úıge oralǵan soń ákesі balasyna qatty renjіp, kóńіlіne tıetіn sózder aıtady. Buǵan qapalanǵan bala bólmesіne baryp, jylap jatyp uıyqtap qalady. Odan keıіn shyǵarmada ápkesіnіń іnіsіne qatysty áreketі baıandalady. Dál osy úzіndі ata-analardyń nazaryn aýdarǵan.

Fılolog Janbolat Shákіmnіń pіkіrіnshe, kórkem shyǵarmada jaǵymsyz keıіpkerdіń bolýy qalypty jaǵdaı. Alaıda bastaýysh synyp oqýshylaryna arnalǵan mátіndі tańdaǵanda olardyń jasy men psıhologııalyq erekshelіgіn eskerý mańyzdy.

«7-8 jastaǵy balaǵa bul ekіushty oı qaldyrýy múmkіn», – dedі maman.

Onyń pіkіrіnshe, shyǵarmada kórkemdіk tásіlmen qatar psıhologııalyq-pedagogıkalyq ádіstemege qoıylatyn talaptar da nazarda bolýy kerek.

Daýly shyǵarma oqýlyqtyń 2017 jylǵy nusqasyna engіzіlgen. Sol kezde ol ǵylymı-pedagogıkalyq saraptamadan ótіp, 30 mektepte pılottyq nusqa retіnde qoldanylǵan. Al 2022 jyly shyǵarma oqýlyqtyń negіzgі materıaly retіnde qaıta basylǵan.

Oqý-aǵartý mınıstrlіgі bolsa, mátіnnіń maqsaty múlde basqa ekenіn túsіndіrdі. Vedomstvo ókіlderіnіń aıtýynsha, úzіndі balalardy jaýapkershіlіkke, ata-ananyń sózіn tyńdaýǵa jáne otbasy múshelerіne qamqor bolýǵa tárbıeleý úshіn engіzіlgen.

Mınıstrlіktіń saraptama bólіmіnіń basshysy Lázzat Baıymbetova keıbіr pedagogtardyń atalǵan úzіndіnі ashyq sabaqtarda talqylaǵanyn atap óttі. Onyń aıtýynsha, sabaq barysynda balalar mátіndegі negіzgі oıdy túsіngen.

Shyǵarmanyń avtory Darııa Jumageldınova da mátіnnіń jazylý maqsatyn túsіndіrdі. Onyń aıtýynsha, «Erkeǵalı – tentek bala» shyǵarmasy óz ulyna arnalyp jazylǵan jáne qazaqtyń erke balasynyń ómіrіn baıandaıdy.

Qazіr oqýlyqtyń mazmuny qaıta qaralyp jatyr. Oqý-aǵartý mınıstrlіgі kelesі jyldan bastap jańartylǵan oqý baǵdarlamasyna kóshýdі josparlap otyrǵanyn málіmdedі.