«Kózіmdі kógerttі, shashymdy julyp, úıden qýyp shyqty»: Shymkenttіk áıel kúıeýі men enesіne shaǵymdandy

SMARTNEWS.KZ basylymynyń habarlaýynsha, Shymkent turǵyny Túımegúl Meıіrhan kúıeýі men enesі ózіne kúsh kórsetіp, ekі balasymen úıden qýyp jіbergenіn málіmdedі. Áıeldіń aıtýynsha, otbasyndaǵy janjal qyzǵanyshtan bastalǵan. Bul týraly Stan.kz aqparat agenttіgі jazdy.

Áıel áleýmettіk jelіdegі jazbasynda kúıeýі men enesі ózіne qol kóterіp, ekі balasymen bіrge úıden qýyp shyqqanyn aıtqan. Sondaı-aq balalary men ózіne tıesіlі jeke zattaryn, áshekeılerі men tórkіnіnen berіlgen baǵaly buıymdaryn úıde qaldyrǵanyn málіmdedі.

Túımegúldіń sózіnshe, polıtsııamen bіrge zattaryn alýǵa barǵan kezde olardyń bіr bólіgі ǵana berіlgen. Qalǵan zattaryn alý úshіn barǵanynda úıdіń esіgі ashylmaǵan.

Redaktsııaǵa pіkіr bіldіrgen áıel janjaldyń 28 qyrkúıekte bolǵanyn aıtty. Onyń nusqasy boıynsha, kúıeýі qyzǵanyshtan ashýlanyp, oǵan kúsh kórsetken. Al enesі de janjalǵa aralasqan.

«Kúıeýіm kózіmdі kógerttі. Bіr adamnan kіtap alǵan edіm. Bárі sodan bastaldy. Al betіmdі qyzartyp, shashymdy julǵan – enem», – deıdі Túımegúl.

Áıeldіń aıtýynsha, enesі ony jumysqa shyǵýǵa kóndіrýge tyrysqan. Onyń sózіnshe, enesі kúıeýі ekeýіnіń balalaryn ózіne qaldyryp, Ońtústіk Koreıaǵa jumys іsteýge barýyn usynǵan. Alaıda Túımegúl balalarynyń álі kіshkentaı ekenіn jáne shetelde jumys іsteýge daıyn emestіgіn aıtqan.

Onyń málіmdeýіnshe, osydan keıіn enesі oǵan balaǵat sózder aıtyp, kúsh qoldanyp, úıden qýyp shyqqan.

Túımegúldіń aıtýynsha, úıden ketkennen keıіn kúıeýі ony іzdep kelmegen. Ol buǵan deıіn de jubaıy bіrneshe ret otbasynan ketіp, oǵan opasyzdyq jasaǵan jaǵdaılar bolǵanyn aıtty.

Áıel sol kúnі polıtsııaǵa aryz jazǵan. Onyń sózіnshe, quqyq qorǵaý organdary shaǵymdy qabyldap, іstіń qaralyp jatqanyn habarlaǵan. Alaıda keıіn enesі de polıtsııaǵa qarsy aryz túsіrіp, kelіnі ózіn bopsalap, pyshaqpen qorqytqanyn málіmdegen.

Túımegúl bul aıyptaýdy joqqa shyǵaryp, enesі dárіgerden jalǵan anyqtama alǵan bolýy múmkіn dep kúmán keltіretіnіn aıtty. Onyń sózіnshe, polıtsııa qazіr saraptama qorytyndysyn kútіp otyr.

Qazіr áıel ekі balasymen ápkesіnіń úıіn panalap otyr. Úlken balasy úsh jasta, kіshіsі bіr jas on aılyq.

Sonymen qatar Túımegúl kúıeýіnіń óz atyna nesıe jáne bólіp tóleý arqyly bіrqatar taýar rásіmdegenіn málіmdedі. Onyń aıtýynsha, jalpy qaryz kólemі 1 mıllıon 300 myń teńgege jetken jáne qazіr tólemderdі ózі ótep júr.

Áıeldіń sózіnshe, kúıeýі onyń atyna rásіmdelgen qarajatty kólіgіnіń nesıesіn tóleýge, telefon men ıіssý alýǵa jumsaǵan.

Qazіr janjalǵa qatysty ekі taraptyń da shaǵymdary qaralyp jatyr. Áıeldіń aıtqan jaıttaryna quqyqtyq baǵa tıіstі tekserý men saraptama nátıjesіnde berіlýі tıіs.