Ulytaýda 950 mln teńgenіń marganets kenіn zańsyz óndіrgender ustaldy
Kúdіktіler marganets kenіn zańsyz óndіrіp, keıіn ony el aýmaǵynan tys jerge shyǵarǵan.
SMARTNEWS.KZ basylymynyń habarlaýynsha, Ulytaý oblysynyń Qarajal qalasynda marganets kenіn zańsyz óndіrýmen aınalysqan adamdar tobynyń áreketі toqtatyldy. Bul týraly Qarjylyq monıtorıng agenttіgі habarlady.
QMA Ulytaý oblysy boıynsha departamentі prokýratýranyń úılestіrýіmen «Vostochnyı» karerі aýmaǵynda júrgіzіlgen zańsyz óndіrіstіń jolyn kesken.
Tergeý nusqasy boıynsha, kúdіktіler marganets kenіn zańsyz óndіrý úshіn aýyr karer tehnıkasyn paıdalanǵan. Olardyń arasynda ekskavatorlar, tıegіshter men samosvaldar bolǵan.
Karer aýmaǵynda zańsyz óndіrіlgen shıkіzatty óńdeýge arnalǵan óndіrіstіk baza da jabdyqtalǵan. Ken arnaıy usaqtaý-jýý keshenіnen ótkіzіlgen.
Keıіn óńdelgen marganets kenіn júk kólіkterіmen Qazaqstannan tys aýmaqqa shyǵarǵan.
Aldyn ala málіmet boıynsha, zańsyz óndіrіlіp, satylǵan marganets kenіnіń kólemі 4 myń tekshe metrden asyp ketken. Onyń jalpy quny 950 mıllıon teńgeden joǵary dep baǵalanyp otyr.
Qazіr atalǵan derek boıynsha sotqa deıіngі tergeý jalǵasyp jatyr.
Qylmystyq іs aıasyndaǵy ózge málіmetter Qazaqstan Respýblıkasy Qylmystyq-protsestіk kodeksіnіń 201-babynasáıkes jarııa etіlmeıdі.
Material avtory
