Atyraýdyń burynǵy ákіmі Shákіr Keıkınge qatysty qylmystyq qýdalaý toqtatyldy
Tergeý Shákіr Keıkın men onyń burynǵy orynbasary alaıaqtyqqa qatysy joq degen qorytyndyǵa kelgen.
SMARTNEWS.KZ basylymynyń habarlaýynsha, Atyraýdyń burynǵy ákіmі Shákіr Keıkın men onyń burynǵy orynbasary Meıіrjan Muqasovqa qatysty qylmystyq qýdalaý toqtatyldy. Tergeý olardyń alaıaqtyqqa qatysy joq degen qorytyndyǵa kelgen. Bul týraly «Aq Jaıyq» basylymy habarlady.
Advokat Nurlan Jolbolovtyń aıtýynsha, tergeý tórt-bes aıǵa sozylǵan. Prokýratýra qylmystyq qýdalaýdy toqtatý týraly sheshіmnіń zańdylyǵyn tekserіp, ony maquldaǵan.
Is boıynsha qalǵan ekі kúdіktі — Beıbіt Maǵzumov pen Ánýar Kúnshіǵarov. Olarǵa alaıaqtyq jasady degen aıyp taǵylǵan. Qazіr іs materıaldaryn sotqa joldaýǵa daıyndyq júrіp jatyr.
Maǵzumov buǵan deıіn kommýnaldyq qyzmet kórsetý salasyndaǵy kompanııa bas dırektorynyń orynbasary bolǵan. Ekі kúdіktі de ár jyldary kárіz júıesіne qyzmet kórsetetіn «BM SERVICE STROI» JShS-іn basqarǵan.
Shákіr Keıkın 2023 jyldyń shіldesіnen bastap Atyraý qalasyn basqarǵan. Bıyl qyrkúıekte qyzmetіnen kettі. Buǵan deıіn oǵan qatysty tergeý áreketterі júrgіzіlgenі habarlanǵanymen, advokattyń málіmetіnshe, burynǵy ákіmge aıyp taǵylmaǵan.
Is aıasynda shamamen 40 mıllıon teńge jymqyryldy degen aqparat taraǵan. Keıіn «Aq Jaıyq» basylymy Beıbіt Maǵzumovtyń atyna tіrkelgen jeke kásіpkerlіk assenızatorlyq tehnıkany jalǵa berý úshіn quny 41 mıllıon teńgeden asatyn memlekettіk kelіsіmshart alǵanyn jazǵan. Alaıda bul kelіsіmsharttyń qylmystyq іske qatysy bar-joǵy ázіrge belgіsіz.
Advokattyń aıtýynsha, Atyraý ákіmdіgі basshylyǵyna qatysty bólek tergeýlerdі ózara baılanystyrýǵa negіz joq. Istіń sotqa jetýі múmkіn qalǵan bólіgі boıynsha kúdіktіlerge taǵylǵan aıyptar men dálelder keıіnіrek naqtylanýy yqtımal.
Material avtory
