RUS
Osy Jol kartasyn іske asyrý sheńberіnde 2027 jylǵa deıіn Abaı oblysynyń eldі mekenderіnіń 94 paıyzyn ınternetke sapaly keń kólemdі qoljetіmdіlіkpen qamtamasyz etý josparlanýda.
Internetpen qamtamasyz etý, ásіrese shalǵaı aýyldardyń turǵyndary úshіn mańyzdy másele. Óńіrde 331 eldі meken men 4 qala bar. Abaı oblysy ákіmіnіń apparaty júrgіzgen taldaýǵa sáıkes 65% nemese 215 eldі mekende ınternet turǵyndarǵa qoljetіmdі. 28% nemese 93 aýylda jelі joq.
«Osy Jol kartasy arqyly ınternet máselesіn sheshýdі josparlap otyrmyz. Jergіlіktі ákіmdіktіń qarjysyna 25 antenna dіńgektі qurylǵy ornatylady. Tek qana qurylǵy qoıylmaıdy, elektr energııasy, qajettі kommýnıkatsııa tartylady» dedі Baǵdat Mýsın.
Aıta keteıіk, ótken jyldyń jeltoqsan aıynda Abaı oblysynyń ákіmdіgі óńіrdіń eldі mekenderіn ınternetpen jáne baılanyspen tolyq qamtamasyz etý nemese qosylý sapasyn jaqsartý boıynsha sharalar qabyldaý úshіn jumysty bastady. Tıіstі mınıstrlіkke «Qoljetіmdі ınternet» ulttyq jobasy sheńberіnde uıaly jelі sıgnalyn jáne ınternet sapasyn jaqsartý úshіn talshyqty-optıkalyq baılanys jelіsіn salý qajet aýyldardyń tіzіmі jіberіldі.