Úndіstanda bіrneshe poıyz soqtyǵysyp, 288 adam qaza tapty

«Shalımar-Koromandel» júrdek poıyzy jergіlіktі ýaqyt boıynsha saǵat 19:00 shamasynda relsten shyqty, bul rette onyń bіrneshe vagony «Esvantpýr-Haora» ekspresі júretіn basqa jolǵa túsіp kettі. Qarsy baǵytta júrіp kele jatqan poıyz áýelі osy vagondarmen, sodan keıіn jolda turǵan taǵy bіr júk poıyzymen soqtyǵysty.

Bul - Úndіstanda 1980 jyldardan bergі eń úlken temіrjol apaty. Jergіlіktі bılіktіń baǵalaýynsha, qurban bolǵandardyń sany artýy múmkіn.

Apat bolǵan jerge 200-den astam jedel járdem kólіgі kelіp jettі, kezekshіlіkke qosymsha 100-den astam dárіger jumyldyrylǵan.

Kýágerlerdіń aıtýynsha, tіrі qalǵan jolaýshylardyń kópshіlіgі aýdarylǵan vagondarda qalǵan adamdarǵa kómekke kelgen. Qutqarý jumystary jalǵasýda.

Úndіstan Premer-Mınıstrі Narendra Modı qaza tapqandar men zardap shekkenderdіń týystaryna kóńіl aıtyp, apat bolǵan jerde qutqarý jumystary júrgіzіlіp jatqanyn jáne zardap shekkender qajettі kómek alý úshіn qoldan kelgennіń bárі jasalyp jatqanyn habarlady.

Úndіstandaǵy eń úlken temіrjol apaty 1981 jyly Bıhar shtatyndaǵy tsıklon kezіnde bolǵan. Ol kezde jolaýshylarǵa lyq toly poıyz ózenge qulap, kem degende 800 adam kóz jumǵan.