RUS
Baǵdarlama aıasynda bıznes-delegatsııa Qazaqstan-Amerıka ınvestıtsııalyq dóńgelek ústel, QR Prezıdentі janyndaǵy Sheteldіk ınvestorlar keńesіnіń otyrysy, AHQO uıymdastyrǵan Astana halyqaralyq forýmyna jáne Astana Finance Days іs-sharalaryna qatysyp, G2B jáne B2B formatynda kezdesýler ótkіzdі.
Mıssııanyń negіzgі maqsaty – Memleket basshysynyń tóraǵalyǵymen 2022 jyly Nıý-Iorkte ótken Qazaqstan-Amerıka dóńgelek ústelіnіń jalǵasy retіnde Qazaqstan men AQSh arasyndaǵy ınvestıtsııalyq jáne saýda qatynastaryn nyǵaıtý jáne kúsheıtý.
Dóńgelek ústel qatysýshylarǵa qoldanystaǵy ınvestıtsııalyq jobalardyń damýy men energetıka, ınfraqurylym, aýyl sharýashylyǵy jáne tsıfrlyq ekonomıka sııaqty salalarǵa eldegі ınvestıtsııany arttyrý perspektıvalaryn talqylaýǵa múmkіndіk berdі.
Bıznes-delegatsııa múshelerі QR Úkіmetіnіń elde qolaıly ınvestıtsııalyq ahýal qurý jónіndegі kúsh-jіgerіn joǵary baǵalap, ınvestıtsııalyq bastamalardy júzege asyrýdyń áleýetіn erekshe atap óttі.
Sonymen bіrge qatysýshylar ózara saýda ósіmіnіń oń serpіnіne qanaǵattanatynyn atap óttі.
Osylaısha, 2022 jylǵy taýar aınalymy 3,05 mlrd AQSh dollaryn qurap, rekordtyq kórsetkіshke jettі, bul ótken jylmen salystyrǵanda 37%-ǵa joǵary.
AQSh-tyń Qazaqstanǵa jalpy TShI aǵyny 2022 jylmen salystyrǵanda 82%-ǵa ósіp, 5,1 mlrd AQSh dollaryn qurady.
Óz tarapynan AQSh Saýda palatasynyń aǵa vıtse-prezıdentі Hýsh Choksı amerıkalyq kompanııalardyń qazaqstandyq naryqta qatysýyn keńeıtýge tereń qyzyǵýshylyq tanytty.
Saýda mıssııasynyń QR Ulttyq ekonomıka mınıstrі Álіbek Qýantyrov, TSıfrlyq damý, ınnovatsııalar jáne aeroǵarysh ónerkásіbі mınıstrі Baǵdat Mýsın, Ǵylym jáne joǵary bіlіm mınıstrі Saıasat Nurbek, Energetıka mınıstrі Almasadam Sátqalıev jáne Aýyl sharýashylyǵy mınıstrі Erbol Qarashúkeevpen ótken kezdesýlerіnde elіmіzdіń ınvestıtsııalyq ahýalyn odan jaqsartý sharalardy talqylaý basty nazarǵa alyndy.
AHQO men Astana Hub-qa saparmen qatar, AHQO basqarýshysy Renat Bekturovpen, QR Syrtqy іster mınıstrіnіń orynbasary Almas Aıdarovpen jáne QR Saýda jáne ıntegratsııa vıtse-mınıstrі Qaırat Tórebaevpen jeke kelіssóz júrgіzіldі.