RUS
QR Prezıdentі janyndaǵy «Dara» daryndylardy qoldaý qory uıymdastyrǵan festıvalge 16 men 40 jas aralyǵyndaǵy 7 524 qazaqstandyq mobılograf qatysty.
Festıvaldіń I kezeńі 2022 jyldyń 1 qyrkúıegі men 2023 jyldyń 1 sáýіrі aralyǵynda onlaın rejımde óttі.
Baıqaýǵa «Mádenıet pen salt-dástúr», «Týrızm», «Adamdar» taqyryptary boıynsha 1537 jumys qabyldandy.
Baıqaýdyń I kezeńіnіń qorytyndysy boıynsha 100 úzdіk mobılograf anyqtaldy. Olar ekіnshі, qorytyndy kezeńnіń tapsyrmalaryn oryndaýdy jalǵastyrdy.
Baıqaýdyń II kezeńіnіń jeńіmpazdary, ıaǵnı 20 úzdіk jumys avtorlary Nıý-Iork kıno ónerі akademııasynda (NYFA) taǵylymdamadan ótýge joldama alady.
40 jeńіmpaz aqshalaı syılyqpen marapattalsa, 40 qatysýshyǵa «Mobılografııa PRO» kýrsyn onlaın oqýǵa múmkіndіk berіledі.
Marapattaý rásіmіne «Dara» daryndylardy qoldaý qorynyń prezıdentі Nurlan Qoıanbaev, «Mob Fest» festıvalіnіń ambassadory Ashat Shynalıev jáne QR Prezıdentі Teleradıokeshenіnіń kreatıv jónіndegі dırektory Ásel Tursynǵazına qatysady.
«MOB FEST» festıvalіnіń joǵary deńgeıde uıymdastyrylǵanyn QR Eńbek sіńіrgen qaıratkerі Jan Baıjanbaevtyń, belgіlі prodıýser jáne stsenarıst Sábıt Rahymbaevtyń, otandyq rejısserler Ánýar Matjanovtyń, Damır Tastenbekovtyń, Alen Nııazbekovtyń qazylar alqasynyń múshelerі retіnde belsendі qatysýynan baıqaýǵa bolady.
Marapattaý rásіmіne arnaıy shaqyrylǵan qonaqtar qatysady: belgіlі qazaqstandyq blogerler Álіsher Elіkbaev, Ádіlet Rahmetolla, Nurbol Bekbota, Narıman Ábıev, Qýanysh Shońbaı, Meıіrbek Berdіbaıuly, Imantaı Islam, Ashat Sadyrbaı, ánshіler Ǵadіlbek Janaı, Nurjan Kermenbaev, Aıan Bırbaev, Danııar Ótegen, ınvestorlar Talǵat Ismaıl, Áset Jumaqulov, akter jáne júrgіzýshі Dáýlet Bıjanov.
Prezıdent janyndaǵy «Dara» daryndylardy qoldaý qory talantty jastardy qoldaýǵa, olardyń shyǵarmashylyq áleýetіn júzege asyrýǵa jáne Qazaqstandaǵy kreatıvtі ındýstrııany damytýǵa baǵyttalǵan.