350 myńǵa jýyq avtokólіktі zańsyz tіrkegen qylmystyq top múshelerіne úkіm shyqty
Astana qalasynyń Qylmystyq іster jónіndegі mamandandyrylǵan aýdanaralyq soty kólіktіk baqylaý salasyndaǵy uıymdasqan qylmystyq topqa qatysty úkіm shyǵardy, dep habarlaıdy smartnews.kz saıty.
QR Sybaılas jemqorlyqqa qarsy іs-qımyl agenttіgі baspasóz qyzmetіnіń habarlaýynsha, sot úkіmіmen Astana qalasy boıynsha kólіktіk baqylaý ınspektsııasy basshysynyń mіndetіn atqarýshy Q. Qudaıbergenov jáne onyń sybaılasy B.Shýmbasova 10 jylǵa bas bostandyǵynan aıyryldy.
Ekeýі de uıymdasqan qylmystyq topty quryp, basqarǵan, dıagnostıkalyq kartalardy qoldan jasap, tehnıkalyq tekserýden ótý týraly aqparattyq júıege jalǵan aqparat engіzdі dep aıyptaldy.
Uıymdasqan qylmystyq toptyń basqa on úsh qatysýshysy 5 jylǵa bas bostandyǵynan aıyryldy, taǵy 4 adamnyń 2 jylǵa bostandyǵy shekteldі.
Sondaı-aq, sot úkіmіmen basqa laýazymdy tulǵalar para alǵany úshіn kіnálі dep tanyldy.
Barlyǵy olar 350 myńǵa jýyq avtokólіk quralyn zańsyz tіrkegen.
Úkіm zańdy kúshіne engen joq.