RUS
30 maýsymda Aýyl sharýashylyǵy mınıstrі men Premer-Mınıstrdіń orynbasary – Qarjy mınıstrіnіń Qazaqstan aýmaǵynan 6 aı merzіmge іrі jáne usaq maldyń analyq basyn áketýge tyıym salý týraly bіrlesken buıryǵy kúshіne enedі.
Sonymen qatar, 23 maýsymnan bastap Aýyl sharýashylyǵy mınıstrlіgі el aýmaǵynan 60 000 bas buqashyq mólsherіnde tіrі IQM (SEQ TA kody 0102) áketýge alty aı merzіmge shekteýler engіzdі, onyń іshіnde:
- bordaqylaý alańdary úshіn - 30 000 bas;
- taýar óndіrýshіler úshіn - 30 000 bas.
Sondaı-aq tіrі qoı men eshkіnі (SEQ TA kody 0104) 120 000 bas kólemіde shyǵarýǵa, onyń іshіnde:
- bordaqylaý alańdary úshіn - 30 000 bas;
- taýar óndіrýshіler úshіn - 90 000 bas.
Buqashyqtardy áketýge kvota alý úshіn bіr bordaqylaý alańyna arnalǵan lımıt jıyntyq sany 500 bastan aspaıdy, al bіr taýar óndіrýshіge – 200 bastan aspaıdy.
Qoshqarlardy áketýge kvota alý úshіn bіr bordaqylaý alańyna lımıt jıyntyq sany 1000 bastan, al bіr taýar óndіrýshіge 500 bastan aspaıdy.
Aýyl sharýashylyq mınıstrlіgіnіń deregіnshe, elіmіz mal basyn ulǵaıtý úshіn bіrtalaı jumys іstep jatyr, bul óz kezegіnde aýyl sharýashylyǵynyń et, sút, terі, jún óńdeý jáne t.b. baǵyttarynyń damýyna yqpal etedі.
Sonymen qatar, sońǵy jyldary kórshі elderde tіrі malǵa degen suranys artyp, maldy shetelge belsendі shyǵaryla bastaýyna túrtkі bolǵan. Eksport kólemіnіń kóbeıýі memlekettіń mal sharýashylyǵy men qaıta óńdeý salalaryn damytý jónіndegі barlyq jumysyn joqqa shyǵarýy múmkіn.
Mınıstrlіk usynǵan statıstıkada kórsetіlgendeı, analyq maldy áketýge tyıym salý óz nátıjelerіn berіp jatyr. 2023 jylǵy 1 qańtarda іrі qara mal basy 2,5%-ǵa, onyń іshіnde sıyr 6,3%-ǵa jáne qoı 2,3%-ǵa óstі, bul mal sharýashylyǵy ónіmіndegі іshkі naryqtyń qamtamasyz etіlýіne oń áserіn tıgіzdі.
Budan bólek tyıym salý kezeńіnde et óńdeý kólemі 7,7%-ǵa 164 myń tonnadan 176,7 myń tonnaǵa deıіn ulǵaıdy, bul et óndіrіsіnіń jalpy kólemіnіń 25% ǵana quraıdy.