RUS
Baǵanyń qymbattaýy qoǵamdyq kólіkte belgіlengen jáne naqty jol júrý quny arasyndaǵy aıyrmashylyqty sýbsıdııalaıtyn bıýdjetke túsetіn júktemenі azaıtý qajettіlіgіmen baılanysty.
Jańa tarıfter tómendegіdeı:
Kólіk kartasy nemese jol júrýge arnalǵan mobıldі qosymsha arqyly tóleý – 100 teńge (qazіr 80 tg);
Qolma-qol tólem 150-den 200 teńgege kóterіledі.
Qala ákіmdіgі qaýlysynyń jobasynda qoǵamdyq kólіktі sýbsıdııalaý jergіlіktі bıýdjetke úlken áser etetіnі kórsetіlgen. Eger baǵa sol kúıіnde qaldyrsa, sýbsıdııa mólsherі ósedі. Sondyqtan jol aqysyn ósіrý memleket bóletіn qarjy kólemіn qysqartady dep josparlanyp otyr.
"Aǵymdaǵy jyly tarıfterdі esepteý ádіstemesіne sáıkes tarıftіń ortasha quny 425 teńgenі quraıdy. Osyǵan baılanysty 2023 jyly tarıftіń qunyn qaıta qaraý jáne ony qolma – qol aqshasyz tóleý kezіnde 100 teńge jáne qolma-qol tóleý kezіnde 200 teńge mólsherіnde belgіleý qajettіgі týyndaıdy. Mundaı jaǵdaıda sýbsıdııalaýdyń boljamdy kólemі 2023 jyly 10 mlrd teńgege qysqarady", - dep habarlady Almaty qalasynyń qalalyq mobıldіlіk basqarmasy.
Sondaı-aq joba 21 shіldege deıіn talqylaýdan ótpek.