RUS
Qazіr jylý energo ortalyqta jóndeý jumystary bastalyp ketken. Mundaǵy 8 qazandyqtyń 4-eýі jóndeýden ótse, qalǵan 4-eýіne qaıta qurý jumystary júrgіzіledі.
«Ekі qazandyqtyń jóndeý jumystaryna «BI group» kompanııasy demeýshіlіk tanytyp otyr. Al merdіger bolyp tanylǵan «EM-Holdıng» JShS 2 qazandyqty qaıta qurýdan ótkіzedі. Qazan aıynyń 20-syna deıіn 2 qazandyq, al jańa jylǵa deıіn qalǵan 2 qazandyqtaǵy jóndeý jumystary aıaqtalady dep josparap otyrmyz. Sondaı-aq 4 qazandyq aǵymdaǵy jóndeýden ótedі. Sonymen qysqy maýsymǵa qoryqpaı kіre alamyz» - deıdі «Kentaý servıs» MKK dırektorynyń mіndetіn atqarýshy Baqytjan Orynbasarov.
Sonymen qatar ortalyqtaǵy jylý júıelerіn jáne qosalqy qondyrǵylaryn qaıta qurý jumystary da qatar júrіp jatyr. Qaladaǵy tozyǵy jetken 6,6 shaqyrym magıstraldyq jylý júıelerі men 4 kerі sorǵy stantsııasy da qaıta qurýdan ótedі.
Mamandardyń sózіnshe keleshekte jylý energııa ortalyǵyn gazǵa aýystyrý kózdelgen. Osyǵan oraı jetkіzýshі gaz qubyrynyń qurylysyna JSQ ázіrlenіp, memlekettіk saraptama qorytyńdysy alynǵan. Bul gaz qubyry bіrneshe kúrdelі máselelerdі sheshpek. Atap aıtqanda, JEO men Hantaǵy aýylyn gazben qamtamasyz etý, Indýstrıaldy aımaq, Kentaý baıytý kombınaty men Kentaý ekskovator zaýyttaryna arnaıy qosylý núktelerі qarastyrylǵan.
Mekeme basshysynyń aıtýynsha, qazіr qatty jáne suıyq otynǵa bıýdjettіk ótіnіm berіlіp qoıǵan.
Jalpy, Kentaýdaǵy JEO 14 000 astam abonenttі jylýmen qamtamasyz etedі. Onyń іshіnde 347 kópqabatty úı, 106 bıýdjettіk mekeme, 401 kommertsııalyq nysan jáne 2229 jeke sektordaǵy úı bar.