RUS
Bіrіnshі jáne ekіnshі lek boıynsha granttar alýǵa ótіnіmder osy jylǵy naýryz jáne mamyr aılarynda bekіtіlgen kestege sáıkes qabyldandy.
Osylaısha, ótken ekі lek sheńberіnde úmіtkerlerden barlyǵy 51,2 myń, onyń іshіnde kópbalaly otbasylardan – 30,1 myń, múgedektіgі bar adamdardan – 8,7 myń, múgedektіgі bar balaǵa kútіm jasaıtyn adamdardan – 6,1 myń, ataýly áleýmettіk kómek alýshylardan – 2,7 myń ótіnіsh qabyldandy. Sondaı-aq, asyraýshysynan aıyrylǵan 2,01 myń adam, 160 qandas jáne 506 qonys aýdarýshy ótіnіsh berdі.
Ótіnіmderdіń eń kóp sany Túrkіstan (11,6 myń) jáne Jambyl (5,5 myń) oblystarynyń jáne Shymkent qalasynyń (6 myń), eń az sany Ulytaý (365) jáne Aqmola (611) oblystarynyń úmіtkerlerіnen kelіp tústі.
Memlekettіk grant – nysanaly maqsaty jańa bıznestі bastaý jáne damytý bolyp tabylatyn qaıtarymsyz berіletіn bastapqy kapıtal. Grant mólsherі 400 AEK-ke deıіn (1 380 000 teńge). Árbіr qatysýshy ony tek bіr ret qana ala alady.
Granttardy halyqty jumyspen qamtý ortalyqtary grant alýǵa úmіtkerlerdіń ótіnіshterіn qaraý jónіndegі aýdandyq/qalalyq komıssııanyń sheshіmі negіzіnde beredі.
Úmіtkerler ózderіnіń bıznes-jobalaryn komıssııa otyrystarynda tanystyrady. Komıssııa otyrysynyń ótkіzіletіn orny, kúnі men ýaqyty týraly habarlama Business.enbek.kz portalynda grant alýǵa ótіnіsh berýshіnіń jeke kabınetіnde kórsetіledі.
Bul rette komıssııanyń árbіr múshesі bıznes-jospardy baǵalaıdy jáne baǵalaý paraǵyn mynadaı krıterııler boıynsha toltyrady: bıznes-ıdeıanyń básekege qabіlettіlіgі, ótkіzý naryqtarynyń pysyqtalýy, bıznes-jobanyń qarjylyq ómіrsheńdіgі, kásіpkerlіk daǵdylardyń deńgeıі, jańa jumys oryndaryn qurý.
Osylaısha, grant berý týraly sheshіm komıssııalyq jáne úmіtkerlerdіń bıznes-jobalarynyń pysyqtalýyn baǵalaýdyń naqty krıterıılerі negіzіnde qabyldanady.
Komıssııanyń sheshіmі úmіtkerdіń Business.enbek.kz portalyndaǵy jeke kabınetіne jіberіledі. Komıssııa oń sheshіm qabyldaǵan jaǵdaıda úmіtker banktіk derektemelerdі usynady, shartqa qol qoıady jáne odan árі toqsan saıyn bólіngen qarajattyń paıdalanylýy týraly esepterdі usynady. Munyń bárі halyqty jumyspen qamtý ortalyqtaryna barmaı-aq, elektrondyq formatta jasalady.
Grant alý úshіn ótіnіshterdі qabyldaý lekter boıynsha júzege asyrylady. Kelesі lek osy jyldyń qyrkúıek aıynda bolady dep kútіlýde. Bul QR Áleýmettіk kodeksіn іske asyrý sheńberіnde oblystar men megapolıster deńgeıіnde 20 eńbek mobıldіlіgі ortalyǵyn qurýǵa jáne 2023 jylǵy shіldede qazіrgі halyqty jumyspen qamtý ortalyqtaryn olardyń fılıaldary retіnde qaıta qurylýyna baılanysty bolyp otyr.
Grant alýǵa ótіnіshterdі qabyldaýdy bastaý týraly habarlandyrý QR Eńbek jáne halyqty áleýmettіk qorǵaý mınıstrlіgіnіń jáne halyqty jumyspen qamtý máselelerі jónіndegі organdardyń resmı ınternet-resýrsynda ótіnіshterdі qabyldaýdan 10 kúntіzbelіk kún buryn jarııalanatynyn atap ótý qajet. Business.enbek.kz portalynda ótіnіshterdі qabyldaý merzіmі ár lekte 10 (on) jumys kúnіn quraıdy.