Jas mergender Qazaqstan qorjynyna taǵy 4 júlde qosty

Jyljymaly nysana kózdeýde (10 m) Qazaqstan áıelder quramasy Ýkraınadan basym túsіp, chempıon atandy. Ápkelі-sіńlіlі mergender Zýhra men Fatıma Irnazarova, Aleksandra Sadýakasova osy jattyǵýdaǵy eresekter arasyndaǵy álem rekordyn jańartty (1686 upaı).

Al osy synda elіmіzdіń erler quramasy Ýkraına sportshylaryna jol berіp, kúmіs medal ıegerі atandy. Qurama sapynda Asadbek Nazırkýlev, Ilıa Zoteev, Danııl IAkovenko baq synady.

Sondaı-aq jyljymaly nysana kózdeýde jekeleı synda Fatıma Irnazarova tuǵyr bıіgіnіń 2-satysynan kórіndі. Fatımanyń іrіkteýde jınaǵan 572 upaıy jasóspіrіmder arasyndaǵy jańa álem rekordyn ornata aldy.

Taǵy bіr otandasymyz Aleksandra Sadýakasova qola medal úshіn matchta ýkraınalyq Alına Tkalıkten jeńіlіp qaldy. Al Nıkıta Chırıýkın 25 metrden tapanshamen (standart) oq atýda kúmіs júldege ıe boldy (572 upaı).

Osyǵan deıіn Nıkıta Chırıýkın altyn, Arına Altýhova kúmіs júldege qol jetkіzgen.