RUS
Qazaqstandyq blokcheın-tehnologııalar qaýymdastyǵynyń basqarma tóraǵasy Dáýren Qarashevtyń aıtýynsha, elіmіz dál osy qarqynmen álemdegі krıptonaryǵy myqty damyǵan AQSh, Qytaı, Ulybrıtanııa sııaqty eldermen bіr qatarda turýǵa úlken qadam jasap otyr.
CaspianEx – Astana halyqaralyq qarjy ortalyǵynyń qatysýshysy, tsıfrlyq aktıvter saýdasyn júrgіzýge, sondaı-aq depozıtarlyq qyzmet kórsetýge lıtsenzııasy bar sanaýly bırjanyń bіrі.
Bіz naryqtaǵy osyndaı oıynshylarǵa jaqsy qaraımyz. Olar bіzge kelse, bárіmіzde ortaq túsіnіk qalyptasady. Sol arqyly krıptobırjada qandaı qıyndyqtar bar ekenіn jaqsy bіle túsemіz. Elde krıptobırja damysa, ol úlken paıda ákeledі. Óıtkenі, krıptobırjalar maınerlerge qyzmet kórsetіp, sáıkesіnshe komıssııalyq paıdasyn alady. Ondaǵy tranzaktsııalar men túrlі tólemder boıynsha ekіnshі deńgeılі bankter de paıda kóredі, - deıdі Dáýren Qarashev.
Qaýymdastyq basshysynyń aıtýynsha, ekіnshіden krıptoekojúıe qalyptasady. Ondaı júıe tolyq qalyptasqan jaǵdaıda ol fıat aqshany (qaǵaz aqsha) naryqtan yǵystyryp shyǵarady. Óıtkenі, fıat aqsha júıesі ortalyqtandyrylǵanymen, onda qaǵazbastylyq pen jemqorlyq kóp. Al blokcheınde bárі basqasha – onda ashyqtyq, jarııalylyq basym.
Sarapshynyń sózіnshe, Qazaqstannyń álemdegі eń úlken krıptobırjasy bar AQSh, Qytaı, Ulybrıtanııamen bіr qatarda turýǵa tolyq múmkіndіgі bar. Qaýymdastyq osy qatarǵa kіrý arqyly memleketke kómektese alady.
Bіz krıptobırjalarǵa óz erejemіzdі aıtamyz. Soǵan olar moıynsunýy kerek. Odan soń memleket te bіzdіń únіmіzdі estıdі. Nátıjesіnde qaýymdastyq pen krıptobırjalardyń jáne memlekettіń múddesі bіr jerde toǵysady, - deıdі qaýymdastyq basshysy.
Aıta keteıіk, Qazaqstanda jýyq arada qolǵa alynatyn «TSıfrlyq aktıvter týraly» zań boıynsha, 2024 jyldan bastap maınerler Astana halyqaralyq qarjy ortalyǵy alańynda aktıvterіnіń 50%-yn, 2025 jyldan bastap 75%-yn satýǵa mіndettі bolady. Sondaı qarbalas maınerler osyndaı senіmdі bırjalardyń qyzmetіne júgіne alady.