Qaraǵandyda alty bala álі jansaqtaý bólіmіnde jatyr
31 shіldede Qaraǵandy oblystyq balalarǵa arnaýly áleýmettіk qyzmet kórsetý ortalyǵynda 13 balanyń ýlanǵany habarlandy. Ókіnіshke qaraı, bіr bala qaıtys boldy.
Ýlanǵan alty bala álі jansaqtaý bólіmіnde jatyr. Taǵy jetі bala oblystyq klınıkalyq aýrýhanaǵa jatqyzyldy. Bala quqyqtary jónіndegі ýákіl Dınara Zákıevanyń aıtýynsha, ýlanǵandardyń arasynda jetіm balalar da bar.
Qaraǵandy oblysy densaýlyq saqtaý basqarmasy aýrýhanada jatqan balalardyń qazіrgі jaǵdaıyn habarlady. Basqarmanyń málіmetіnshe, jansaqtaý bólіmіndegі balalardyń jaǵdaıy turaqty.
2 tamyzda oblystyq klınıkalyq juqpaly aýrýlar ortalyǵy bólіmshesіnde emdelgen ekі balanyń jaǵdaıy jaqsaryp, aýrýhanadan shyǵarylǵan. 3 tamyzda taǵy ekі bala aýrýhanadan shyǵaryldy. Búgіn taǵy 3 bala aýrýhanadan shyǵaralady.