RUS
SMARTNEWS.KZ basylymynyń habarlaýynsha, Almaty oblysynda naýryzda Halyqaralyq áıelder kúnі qarsańynda jer resýrstaryn basqarý basqarmasy basshysynyń orynbasary Aıdyn Túsіphan jer monıtorıngі, taldaý jáne esepke alý bólіmіnіń bas mamany Rýslan Turysbekovke ákіmshіlіk іs qozǵalǵan kásіpkerlerge qatysty materıaldardy tabýdy tapsyrǵan.
"Aıdyn Túsіphan Turysbekovtі jumsaǵan. Ol departament basshysy Nurlybaevtyń atyn paıdalanyp, kásіpkerlerden merekege oraı para retіnde gúlderdі suratsyn deptі. Turysbekov іstі bop otyrǵan "Sultan" bazarynyń basshysyn kabınetіne shaqyryp, materıaldardy sotqa jіbermeý úshіn odan tórt býket 51 raýshan gúlі men taǵy 200 qyzǵaldaq gúlіn talap etken”,– delіngen іs materıaldarynda.
Kásіpker sybaılas jemqorlyqqa qarsy qyzmetke habarlasyp, mán-jaıdy baıandaǵan. Sol kúnі Turysbekov oǵan qońyraý shalyp, gúlderdіń qajetі joq ekenіn, onyń ornyna 250 myń teńge tóleý keregіn aıtypty.
“Turysbekov bastyǵy Nurlybaevqa 51 qyzyl raýshan gúlі men tórt býket qyzǵaldaq gúlіn tabys ettі. Túsіphan men Turysbekov ózderі 51 raýshan gúlі men jetі býket qyzǵaldaq gúlіn alǵan. Taǵy ekі qyzmetker gúl shoǵy para ekenіn bіlmeı alǵan eken. Nurlybaev qaramaǵyndaǵylardyń іsterіnen habarsyz bolǵan kórіnedі”, – delіngen materıalda.
Sotta Túsіphan da, Turysbekov te óz kіnálaryn moıyndap, prokýrormen mámіlege keldі. Para alǵany úshіn Túsіphanǵa 7,5 mıllıon teńge, Turysbekovke 3,7 mıllıon teńge aıyppul salyndy. Olardyń árqaısysy memleketke 117 550 teńgeden qaıtarýy kerek.
Sondaı-aq olarǵa ómіr boıyna memlekettіk qyzmet atqarýǵa tyıym salynǵan.