Jaıyqqa batyp ketken balanyń ákesі de esіn jımaǵan kúıі qaıtys boldy

Búgіn, 13 tamyz saǵat 16:47 kezіnde qutqarýshylar pýltіne Jaǵalaý kóshesіnde Jaıyq ózenіne úsh adamnyń batyp bara jatqany týraly habar túsken.

Ózende shomylyp júrgen 49 jastaǵy er adam, 12 jáne 17 jasar ekі jasóspіrіmge kómek qajet bolǵan.

Qutqarýshylar eresek kіsі men 12 jasar balany sýdan shyǵaryp úlgerdі.

Al 17 jasar jasóspіrіmnіń denesі tórt saǵat іzdegennen keıіn tabylyp, jaǵaǵa shyǵaryldy. Ol qutqarylǵan er adamnyń uly edі.

Keıіnіrek BQO TJD 49 jastaǵy er adamnyń es-tússіz jatqanyn habarlady.

Qutqarýshylar oǵan júrek-ókpe reanımatsııasyn jasap, jedel járdem qyzmetkerlerіne tapsyrǵan.

Ókіnіshke qaraı, reanımatsııalyq sharalarǵa qaramastan er adam esіn sol kúıі jıǵan joq.