«Energetıkany odan árі damytý stsenarıılerіnіń bіrі atom stantsııasynyń qurylysy boldy. «Samuryq-Energoǵa» tıesіlі «Atom elektr stantsııalary» AQ kompanııasy konkýrs jarııalady. Onda konkýrsqa áleýettі qatysýshylardyń aldyn ala ótіnіmderі іrіkteldі. Olar Frantsııa, Koreıa, Qytaı, RF kompanııalary, sondaı-aq amerıkalyq shaǵyn jáne orta reaktor óndіrýshіlerіnіń ótіnіmderі qaralýda», - dedі ol.
Onyń atap ótýіnshe, úkіmettіk komıssııa atom elektr stantsııasyn salý úshіn bіrneshe ýchaskenі qarastyrdy. Atap aıtqanda, ShQO-daǵy alań (Kýrchatov), Almaty oblysyndaǵy alań (Úlken kentі), Qazaqstannyń batysyndaǵy perspektıvaly alań qarastyryldy.
«Úlken jáne Kýrchatov alańdary eń perspektıvaly boldy. Derekter jıyntyǵy boıynsha sarapshylardyń qorytyndysyna súıene otyryp, Balqashtaǵy Úlken kentіnіń alańy aldyn ala maquldandy. Endі osy alańda qandaı da bіr taldaýdy bastaý úshіn rásіmderge sáıkes, tehnıkalyq-ekonomıkalyq negіzdemenі, jobalyq qujattamany ázіrleý maqsatynda aımaqtarda jergіlіktі jerlerde qoǵamdyq tyńdaýlar ótkіzіledі. IAǵnı, ázіrshe stantsııa qurylysy týraly emes, daıyndyq barysy týraly sóz bolyp otyr», - dedі mınıstr.
Mınıstr eldіń ártúrlі aımaqtarynda qoǵamdyq tyńdaýlar ótkіzіlgennen keıіn barlyq aqparat jınalyp, sodan keıіn Úkіmet sheshіm qabyldaıtyndyǵyn aıtady.
«Sheshіm qabyldaý kezіnde jurtshylyqtyń pіkіrі eskerіletіn bolady. Ol qandaı formada bolatyndyǵyn, qazіr aıta almaımyn. Qazіr ártúrlі pіkіr bar ekenіn bіlemіz. Bіraq atom stantsııasy qurylysyn qoldaıtyn adamdardyń sany edáýіr óstі. Óıtkenі olar qandaı tehnologııalar qoldanylatyny, stantsııanyń qaýіpsіzdіgі, eldіń damýy úshіn de, aımaqtyń damýy úshіn de bolatyn múmkіndіkter týraly aqparat aldy», - dedі Almasadam Sátqalıev.