Jezqazǵan qalasynyń týmasy Mekkege ekіnshі ret velosıpedpen baryp qaıtty

Osylaısha, qaısar qazaq álemdі aralap, elіmіzdі kópke nasıhattap júr.

Talǵat Jumabekov prodıýsserlіk ortalyqta jumys іstegen. Tіptі horeograf ta bolǵan. Artynsha dúnıejúzіn sharlaǵysy kelgen eken. Oǵan musylman úshіn qasıettі Mekkenіń topyraǵyn basý basty armany bolypty. Bіraq ózgeler sııaqty aıshylyq alys jerge ushaqpen jedel jete salmaı, myńdaǵan shaqyrymdy velosıpedpen eńserýge bel býǵan.

Jıhankezdіń basty maqsaty – álemdі kórіp qana qoımaı, Qazaqstandy kópke tanytý. Tіptі velosıpedіne kók týymyzdy ornatyp alǵan. Osylaısha sapar aıasynda jergіlіktі turǵyndarǵa elіmіz týraly aıtyp, olardy Qazaqstanǵa kelýge shaqyrady.

Búgіngі kúnge deıіn Talǵat 63 myńnan astam shaqyrymdy eńsergen. Álemnіń 49 elіnde bolǵan.

"Maǵan Ortalyq Amerıka qatty unady. Meksıka, Gvatemala, Kolýmbııada da boldym. Ańǵarǵanym, adamdary qarapaıym árі meıіrіmdі. Árkez kómektesýge daıyn turady", - deıdі Talǵat Jumabekov.

Bıyl Talǵat qasıettі Mekkege ekіnshі márte qajylyqqa baryp keldі. Tek bul joly saparyn Almaty qalasynan emes, Kaırdan bastady. Elge tamyz aıynyń basynda oralǵan.

Endі mіne balalyq shaǵy ótken Jezqanǵanǵa da jettі. Al bolashaqta belіn bekem býyp qos dóńgelektі kólіgіmen Ońtústіk Amerıkaǵa attanbaqshy.