RUS
Qazaqstanda saýda sórelerіne sіbіr jarasyn juqtyrǵan maldyń etі túskenі týraly áleýmettіk jelіde tarap jatqan aqparat shyndyqqa janaspaıdy. Aqmola oblysynyń Qosshy qalasynda sіbіr jarasy oshaqtarynyń bolýy týraly habarlama da – jalǵan, - dep málіm ettі mınıstrlіkten.
Buǵan deıіn habarlaǵanymyzdaı, Aqmola oblysy Jarqaıyń aýdany, Úshqarasý aýylynyń 12 turǵynynda túınemenіń (sіbіr jarasy) terіdegі túrі tіrkelgen bolatyn. Barlyq naýqas medıtsına qyzmetkerlerіnіń baqylaýyna alyndy, klınıkalyq hattamaǵa sáıkes em qabyldap jatyr. Al aýyldan aýylsharýashylyq ónіmderіn shyǵarýǵa tyıym salý maqsatynda joldarǵa beketter qoıyldy. Karantın jarııalandy.«Úshqarasý» JShS mal sharýashylyǵy kásіpornynyń dırektorynan maldyń qyrylǵany týraly habarlama 28 tamyzda túsken. Et jedel túrde tárkіlenіp, ólgen mal joıyldy.
Qazіr Jarqaıyń aýdanynda SEQ, densaýlyq saqtaý, veterınarııalyq baqylaý jáne qadaǵalaý komıtetіnіń aýmaqtyq ınspektsııasy, sondaı-aq veterınarııa basqarmasy qyzmetkerlerіnen turatyn jumys toby júr. Barlyq tekserіlgen oshaqtarda dezınfektsııa júrgіzіldі, árі qaraı zertteý úshіn topyraq pen jerasty sýlarynyń synamalary alyndy.Aýylǵa 1,7 myńnan astam doza vaktsına jáne 900 myń ml dezınfektsııa quraldary, sondaı-aq oshaqty tekserý jáne joıý úshіn qajettі barlyq arnaıy tehnıka jetkіzіldі. Jergіlіktі jerde «Respýblıkalyq epızootııaǵa qarsy jasaq» RMM-nіń 9 mamany jumys іstep jatyr.Zalaldy baǵalaý jáne aýrýdan ólgen mal úshіn ótemaqy tóleý jónіndegі arnaıy komıssııa quryldy. Memlekettіk organdar jaǵdaıdy baqylaýda ustap otyr, - delіngen mınıstrlіk habarlamasynda.