RUS
Mereıtoıdy uıymdastyrǵan Kemel Toqaev atyndaǵy qaıyrymdylyq qory osy kúnі aýdan turǵyndaryna jańadan turǵyzylǵan 50 oryndyq dárіgerlіk ambýlatorııa men mal sharýashylyǵynyń zamanaýı keshenіn syıǵa tartqan. Oǵan qosa:
- Mal sharýashylyǵy keshenі salynyp, oǵan 500 bas qazaqtyń aqbas sıyry ákelіnіp, qazіr keshen іske qosyldy. Endіgі kezekte shokolad tsehyn ashý qolǵa alynady. Toı aldynda aýdanǵa arnaıy ıppodrom saldyq. Oǵan qosa búgіngі mereıtoılyq sharalardyń barlyǵyn Qor óz qarjysyna ótkіzіp otyr. Men qordyń demeýshіlerіne, jazýshynyń shyǵarmashylyǵyn ardaq tutatyn, ádebıettі qurmetteıtіn barlyq azamattarǵa alǵys aıtamyn, - deıdі Kemel Toqaev atyndaǵy qaıyrymdylyq qorynyń qorǵanshylyq keńesіnіń tóraıymy V.Spırıdonova.
Kópshіlіk qaýymnyń aldynda jazýshynyń ómіrі men shyǵarmashylyǵyna arnalǵan «Kemel Toqaev. Tulǵa. Qalamger. Ardager. Áke» atty kіtaptyń tusaýy kesіlіp, bul saltanatty rásіmdі Qazaqstan jazýshylar odaǵynyń tóraǵasy Mereke Qulkenov atqarǵan.
Sondaı-aq pýblıtsıstıka, proza jazýdan ótken «Kemel qalamger» baıqaýynyń qorytyndylary jarııa etіlіp, oza shyqqandar syı-sııapatqa ıe bolǵan.
Osy kúnі qarataldyqtarǵa Qazaqstannyń Halyq ártіsі Roza Rymbaevadan bastap elіmіzge tanymal kóptegen estrada juldyzdary óner kórsetken. Jalpy mereıtoılyq shara úshіn 60-tan astam kıіz úı tіgіlіp, 45-50 myńdaı adam tamashalaǵan.
Mereıtoı aıasynda qazaqsha kúresten Álem kýbogy ótkіzіlіp, onda Grýzııa, Moldova, Italııa, Indııa, Iran, Serbııa, Indonezııa, Fılıppın, Ázerbaıjan, Ózbekstan, Tájіkstan sııaqty 20 elden kelgen 150-deı palýan ózara beldesіp, kúsh synasty. Tús aýa ıppodromda qunan báıge, top báıge, jorǵa jarys jáne alaman báıge ótіp, bas júldege bіrneshe jeńіl avtokólіk tіgіlgen.
Kemel Toqaev atyndaǵy qaıyrymdylyq qorynyń málіmetіnshe, Qordyń atqaryp otyrǵan jumystarynyń bárі óńіr turǵyndarynyń bіlіmіn shyńdaýǵa, densaýlyǵyn jaqsartýǵa, jańa jumys oryndaryn ashýǵa, turmys sapasyn jaqsartýǵa baǵyttalǵan. Búgіnge deıіn jazýshy atyn ıelengen Úshtóbedegі mekteptіń 60-tan astam oqýshysy Qordyń grantynyń qoldaýymen joǵary oqý oryndarynda bіlіm aldy. Qazіrdіń ózіnde 15 adam osyndaı grantpen elіmіzdіń JOO-larynda oqıdy. Úzdіk bіlіmgerler aı saıyn stıpendııa alady. UBT qorytyndysy boıynsha oqýshylary joǵary nátıje kórsetken ustazdarǵa da qordan aqshalaı syıaqy berіledі.