Elіmіzde áıelder men balalarǵa kómek kórsetýge arnalǵan bіryńǵaı baılanys nómіrі paıda bolady
TSıfrlyq damý, ınnovatsııalar jáne aeroǵarysh ónerkásіbі mınıstrlіgі «Baılanys qyzmetterіn paıdalanýshylar úshіn qosylýy tegіn bolyp tabylatyn shuǵyl medıtsınalyq, quqyq qorǵaý, órt, avarııa jáne basqa da qyzmetterdіń tіzbesіn bekіtý týraly» Úkіmet qaýlysyn tolyqtyrmaq, dep habarlaıdy smartnews.kz saıty.
Endі otbasylyq máseleler boıynsha bastapqy zań kómegіn berýge arnalǵan bіryńǵaı baılanys nómіrі bekіtіlmek.
«111 - otbasy, áıelder jáne balalardyń quqyqtaryn qorǵaý jónіndegі baılanys ortalyǵy», - delіngen Ashyq NQA portalynda jarııalanǵan Úkіmet qaýlysynyń jobasynda.
Qujatqa qosymsha berіlgen túsіndіrmede jazylǵandaı, «111» baılanys nómіrіne habarlasý tegіn bolady.
«Jobanyń maqsaty - aqparattyq-anyqtamalyq, uıymdastyrýshylyq, psıhologııalyq kómek kórsetý, sondaı-aq azamattardyń zańdy quqyqtaryn qamtamasyz etýge qatysty barlyq máseleler boıynsha bastapqy konsýltatsııalar ótkіzý úshіn árbіr azamatqa tegіn qosylý baılanys qyzmetterіn usyný», - dep túsіndіrme berіlgen qaýlyǵa.
Qujat 18 qyrkúıekke deıіn kópshіlіk talqylaýda bolady.