RUS
Elіmіzde sýrrogat áıelderge degen suranys artyp, ınternet jelіsіnde mundaı qyzmet kórsetetіnderdі іzdegender kóbeıgen. Erlі-zaıyptylar oǵan 12 mıllıon teńgeden astam aqsha berýge daıyn eken. Alaıda bul іstі bızneske aınaldyrǵan áıelder bul sommaǵa da kelіspeıdі.
Densaýlyq saqtaý mınıstrlіgіnіń málіmdeýіnshe, qazіr Qazaqstanda sábı súıýdі armandap júrgender sany 20 myńnan asady. Al "sýrrogat ana" bolý zańmen rettelgen. Mamandardyń aıtýynsha, qazіr olardy tabý qıyn. Óıtkenі jatyryn "jalǵa beretіn" qursaq analarǵa qoıylatyn talaptar joǵary. Sondaı-aq kóp áıeldіń densaýlyǵynda kіnárát bar.
“Densaýlyǵy jaqsy, 34 jasqa deıіngі áıelder ǵana sýrrogat ana bola alady. Zań boıynsha ol balany dúnıege ákelgende, 35 jasqa tolmaýy kerek. Sonymen qatar osyǵan deıіn denі saý bіr balany tabıǵı jolmen dúnıege ákelýі mіndettі. Eshqashan túsіk jasamaǵan bolýy tıіs. Búgіnde osyndaı talaptarǵa saı keletіn saý anany tabý óte qıyn”, – dedі Almaty qalalyq reprodýktıvtіk medıtsına ınstıtýtynyń reprodýktolog-dárіgerі Janar Taıbaǵarova.
"Qursaq ana" іzdegender Almaty qalasynda kóp. Bıyl 100 otbasy balaly bolýdy armandap, ortalyqqa kelgen. Sábı súıýge zar bolǵandar sýrrogat analarǵa ekі mıllıonnan 12 mıllıon teńgege deıіn berýge daıyn.
“Sýrrogat ananyń aqysyna qatysymyz joq. Bul – otbasy ekeýіnіń arasynda notarıýs arqyly jasalatyn kelіsіmshart. Onda árbіrіnіń mіndetterі jazylady. Mysaly sýrrogat anaǵa іshіmdіk іshpeý, temekі shekpeý degen sııaqty talaptar qoıylady. Árıne, sýrrogat ana qyzmetіnіń tegіn bolǵanyn qalar edіk. Bіraq oǵan eshkіm kelіspeıdі. Óıtkenі olardy qarjy máselesі tolǵandyrady. Alaıda jaqyndary, týystary tegіn qursaq ana bolyp beretіn jaǵdaılar bar”, – dedі reprodýktolog-dárіger.