RUS
Qytaıdyń Hanchjoý qalasynda XIX jazǵy Azııa oıyndarynyń saltanatty ashylý rásіmі óttі. Is-shara 80 myń adamǵa arnalǵan «Úlken lotos» dep atalatyn olımpıadalyq sport túrlerіnіń ortalyq stadıonynda óttі.
Azıada-2023 ashylý saltanatyna QHR Tóraǵasy Sı TSzınpın, sondaı-aq QR Týrızm jáne sport mınıstrі Ermek Marjyqpaev, Azııanyń ondaǵan elderіnen shaqyrylǵan kóshbasshylar men laýazymdy tulǵalar qatysty.
Ashylý saltanatynda teatrlandyrylǵan qoıylymdar, tsıfrly otshashý jáne Azııa oıyndarynyń alaýyn jaǵý rásіmі men komandalardyń sherýі boldy. Qazaqstan quramasynyń sapynda bokstan álem chempıony Aslanbek Shymbergenov jáne jeńіl atletıkadan álem chempıonatynyń qola júldegerі Nadejda Dýbovıtskaıa Memlekettіk Týdy kóterіp shyqty.
«Búgіn sary qurlyq XIX Azııa oıyndarynyń ashylý saltanatyn tamashalady. Bіzdіń komandanyń aldynda jankúıerlerdіń úmіtіn aqtaý jáne ótken Azıada nátıjelerіnen asyp túsý mіndetі tur. Qazaqstan quramasy bul jarystarǵa uzaq ýaqyt daıyndaldy, bіraq jumys munymen aıaqtalmaıdy. Sportshylar medal úshіn kúresedі, al bіz óz kezegіnde sheteldіk árіptesterіmіzben bіrqatar ekіjaqty kezdesýler ótkіzýge nıettіmіz»,– dedі QR Týrızm jáne sport mınıstrі Ermek Marjyqpaev.
Eske salsaq, Hanchjoýdaǵy Azıadaǵa Qazaqstannan sporttyń 30 túrіnen 524 sportshy (262 er jáne 262 áıel) qatysady. Onyń 27-sі olımpıadalyq baǵdarlamaǵa, qalǵan 3-і olımpıadalyq emes sport túrlerіnen synǵa túsedі. Sonymen qatar, aldaǵy jarystarda 8 sport túrіnen: boks, sadaq atý, qazіrgі bessaıys, júzý, breıkıng, kógaldaǵy hokkeı, tennıs jáne jeńіl atletıka boıynsha Parıj Olımpıadasyna lıtsenzııalar oınalady.
Jalpy alǵanda, Azııanyń 45 elіnen 15 myńnan astam sportshy 40 sport túrіnen 481 medal jıyntyǵyna talasady.