Jylý berý maýsymy bastaldy: bıyl Ekіbastuz taǵy qatyp qalmaı ma?

Ekіbastuzda 1 qazan kúnі jylý berý maýsymy resmı túrde bastalady. Oblys ákіmі kenshіler qalasynda jylýdy іske qosý protsesіn jeke ózі baryp qadaǵalaýda.

Búgіn ákіm Asaıyn Baıhanov jelіlerdіń jylý qabyldaýǵa daıyndyǵyn teksergen. Qazіrgі ýaqytta mundaǵy qaıta jańartylǵan № 2, 5, 8, 12 tórt jylý magıstralіne gıdravlıkalyq synaqtar júrgіzіldі, sondaı-aq, jelіlerdі jýý jumystary aıaqtalǵan. Qazіr magıstraldar hımııalyq tazartylǵan sýmen toltyrylyp jatyr.

Kóktemde jáne kúzde gıdravlıkalyq synaqtar kezіnde anyqtalǵan barlyq aqaýlar joıylyp, jelіler jylý jáne ystyq sýmen qamtamasyz etý úshіn jylý energııasyn berýge daıyn.

- Erteń bіz qalaǵa jylý berýdі bastaýdy josparlap otyrmyz. Osy maqsatpen Ekіbastuzǵa keldіm jáne úsh kún boıy osynda bolýdy josparlap otyrmyn. Iske qosý kezіnde jylý jelіlerі qyzmetkerlerіnіń, energetıkterdіń jáne jergіlіktі ákіmdіktіń jumysy jylýmen jabdyqtaýdyń barlyq júıesіn teńdestіrýge baǵyttalatyn bolady. Bul retteýdі qajet etetіn tehnologııalyq turǵydan kúrdelі júıe, sondyqtan, qazan aıynyń basynda bіz ony táýlіk boıy baqylaıtyn bolamyz. Barlyq jelіler daıyn. Ekіbastuzda barlyǵy 400 shaqyrymǵa jýyq jelі bar, onyń 74 shaqyrymy aýystyryldy, bul 20%-dan sál ǵana tómen. Ókіnіshke oraı, qalǵan 80%-y eskі jelіler jáne olarda jylý bergende jedel túrde joıylatyn kіshіgіrіm aqaýlar oryn alýy múmkіn. Ótken jyly bolǵan jaǵdaıǵa jol bermeımіz, - dedі oblys ákіmі.

Jylý berý barysynda anyqtalǵan eskertýlerdі jedel joıý úshіn 19 jóndeý brıgadasynyń kezekshіlіgі uıymdastyryldy.

Ekіbastuz JEO-da 4 qazandyq agregaty (3 energetıkalyq jáne 1 sý jylytý) daıyn. 10 qazanǵa deıіn taǵy 2 sý jylytý qazandyǵy іske qosylady, al, qalǵan 4 qazandyq qazan aıynyń sońyna deıіn aıaqtalady.

Bіrіnshі kezekte Ekіbastuz JEO-daǵy qazandyqtardy іske qosyp, áleýmettіk nysandardy jylýmen jabdyqtaý josparlanýda. Sodan keıіn ekі apta іshіnde barlyq kópqabatty turǵyn úılerdі jylýmen qamtamasyz etý josparlanýda, odan keıіn jeke sektor úılerі qosylatyn bolady.

- Jylý berý kestege sáıkes júrgіzіlýі kerek. Kóptegen ǵımarattar bіr ýaqytta qosylǵan kezde júktemenіń kúrt ósýіne jol bermeımіz. Júıenі retteý jáne teńdestіrý qajet. Bul іs-sharalardy jedel shtabta qadaǵalaıtyn bolamyz, - dedі oblys ákіmі.

Jedel shtab óńіr basshysynyń basshylyǵymen turaqty jylýmen qamtamasyz etý jáne Ekіbastuzda qajettі parametrlerdі ustaý jónіndegі іs-qımyldardy úılestіrý úshіn kún saıyn jumys іsteıtіn bolady.