RUS
Maǵan búgіn bіr ıdeıa keldі. Men myna jerde Kaspi kórsetіp, efırge shyǵamyn. Salǵan adam saldym deıdі, endі ótіrіk aıtpaıtyn shyǵarsyzdar. Saldym dep, duǵalaryńyzdy jazasyzdar. Men efırge shyqqan kezde qaǵbaǵa qarap turyp, sol duǵalaryńyzdy oqyp beremіn. Men barmyn, qyzdarym bar, kezekpen oqyp beremіz. Bіraq, bіlіńіzder, ýaıymdamańyzdar, jaman oı kelіp tursa bіrden aıtaıyn, bul bergen sadaqalaryńyzdyń bіr tıyny da menіń qaltama túspeıdі. Sondyqtan, ózіńіz nıet etіp, sadaqyńyzdy aýdaryńyz, - deıdі bloger vıdeoda.
Islamtanýshy maman dіnnіń monetızatsııasy keıіngі kezderі úlken máselege aınalǵanyn aıtady.
Kіtaptarda qulshylyq úshіn, aqyret amaldary úshіn, Qudaıǵa jaqyndatatyn ǵıbadat amaldary úshіn aqyny talap etý bar ma, joq pa?, degen úlken taqyryp. Negіzіnde dіnnіń monetızatsııasy sońǵy kezde úlken problemalar týdyrýda. Anaý "Mýdaraba" dep dіnnіń atyn jamylyp, dіnnen habary joq blogerler dіnge kóleńke túsіrdі. Ekіnshіden, jaqynda qajylyq fırmalarynyń jasaǵan alaıaqtyq іsterі bar. Negіzіnde Quranda Alla taǵala: "Qulshylyq, ǵıbadattardyń barlyǵy Qudaıǵa arnalý kerek". dep aıtady. Bul - negіzgі úkіm. Bul erejeden tys zárýlіkke baılanysty jasalatyn qulshylyq ǵıbadattary bar. Mysaly, adamnyń densaýlyq turǵysynan jaǵdaıy joq bolsa, ol kіsі ózіnіń atynan ókіl retіnde qajylyqqa jіberedі. Bіraq, bul jerde zárýlіk bar. Zárýlіk bolmasa, ondaıǵa da ruqsat joq. Bolmasa qaıtys bolyp ketken tulǵalardyń atynan da qajylyq jasaýǵa bolady. Quran oqýǵa baılanysty, Hanafı ǵulamalary quran oqý úshіn aqy talap etý haram dep úzіldі-kesіldі úkіm bergen. Sondyqtan ımamdar oqyǵan quranyna aqy talap etýge quqy joq. Sebebі, ol qulshylyq jasap jatyr. Al, oǵan aqsha talap etý, sadaqa jіberіńіz, búıtіńіz degen shamaly basqa dіnderden kelgen praktıka. Basqa dіnderde ol zańdy bolýy múmkіn, bіraq ıslam dіnіnde ondaı zat joq, - deıdі ıslamtanýshy, teolog Asqar Sabdın.
Jelі qoldanýshylar blogerdі bul áreketі úshіn qatań synaýda.
"Allaǵa duǵa etý úshіn posrednık kerek joq. Úıde otyryp ta tіleseń Alla estıdі", "Qaltama túspeıdі, kaspıge túsedі deseńshі", "Ne bop kettі bul zaman", "Aqshasyn bersem men úshіn namaz oqı salasyń ba degendeı boldy ǵoı", "Naǵyz alaıaq eken. Arabtan juqqan naǵyz surqııa eken", - dep jazdy olar.