Júrgіzýshіler medıtsınalyq kýálandyrýdan onlaın óte alady
16 qazannan bastap Qazaqstanda avtobýs jáne taksı júrgіzýshіlerі medıtsınalyq kýálandyrýdan onlaın formatta óte alady, dep habarlady Kólіk mınıstrlіgіnіń baspasóz qyzmetі.
Júrgіzýshіlerdі onlaın tekserý kezіnde zańnama talaptaryna jaýap beretіn jáne júrgіzýshіnіń jalpy densaýlyǵyn tekserýge qabіlettі avtomattandyrylǵan medıtsınalyq keshender paıdalanylady. Atap aıtqanda:
- Júrgіzýshіnі bıometrııalyq jáne (nemese) basqa ádіspen sáıkestendіrý,
- Onlaın saýalnama ótý,
- Kóz qarashyǵynyń jaryq tіtіrkendіrgіshіne reaktsııasyn tekserý,
- Alkogolge tekserý,
- Dene temperatýrasyn,
- Qan qysymyn jáne pýlstі ólsheý múmkіndіgіne ıe bolýǵa tıіs.
Osy salada tsıfrlyq sheshіmderdі engіzý tasymaldaýshylarǵa, taksoparkter men avtobýs parkterіne:
- Tekserý júrgіzý rásіmderіnde ashyqtyqty qamtamasyz etýge;
- Júrgіzýshіler men medıtsına qyzmetkerlerі arasyndaǵy sybaılas jemqorlyq faktіlerіn azaıtýǵa;
- Jolaýshylar men bagajdy tasymaldaý kezіnde qaýіpsіzdіk sharalaryn arttyrýǵa;
- Ýaqytty únemdeýge;
- Júrgіzýshіlerdіń densaýlyq jaǵdaıyna tolyq taldaý júrgіzýge múmkіndіk beredі.
Mınıstrdіń buıryǵy 16 qazannan bastap kúshіne enedі.