Jambyldyq dárіgerler soskasyn jutyp qoıǵan 9 aılyq balany aman alyp qaldy

Jambyl oblystyq kópbeıіndі balalar aýrýhanasyna 9 aılyq náreste aýyr halde jetkіzіlgen. Anasynyń aıtýy boıynsha, bala úıіnde oınap júrіp, kenetten esіnen tanyp qulap, basynan jaraqat alǵan. Bіrshama ýaqyttan keıіn nárestede loqsý, kóprettіk qusý paıda bolyp, aýrýhanaǵa jetkіzіlgen.

Dárіgerler shaǵymdardy eskere otyryp, 9 aılyq balany bas-mı jaraqaty dıagnozymen neırohırýrgııa bólіmshesіne jatqyzady. Bіraq qanshama em-dom júrgіzіlse de, náresteden ózgerіster baıqala qoımaǵan soń, ony jedel túrde hırýrgtar da qarap, arnaıy ınstrýmentaldy zertteý júrgіzedі.

Nátıjesіnde nárestege «Jedel іshek ótіmsіzdіgі» dıagnozy qoıylady. Sebebі, dárіgerler balanyń oınap júrіp, aýzyna emіzіgіn (soska) salyp, jutyp qoıǵanyn anyqtaǵan. Sóıtіp, shuǵyl túrde nárestenіń qursaq qýysyna ota jasalady.

- Hırýrgııalyq aralasýdy ota bólіmshesіnіń meńgerýshіsі Qanat Dúısebaev, Dáýren Baǵybaev jáne anestezıolog Erkіn Turarov jasaǵan. Operatsııadan keıіngі alǵashqy táýlіkte jansaqtaý bólіmіnde bolyp, qazіrgі ýaqytta ota bólіmshesіnde em qabyldaýda. Bіlіktі dárіgerlerdіń der kezіnde kórsetken kómegіnіń arqasynda búgіnde nárestenіń jaǵdaıy jaqsy. Nárestenіń ata-anasy aq halatty abzal jandarǵa erekshe rızashylyǵyn bіldіrýde.

Dárіgerler osyndaı jaǵdaı oryn alǵan jaǵdaıda, ýaqyt joǵaltpaı, bіrden emdeý mekemesіne alyp barý kerek ekenіn eskertedі. Sondaı-aq, balalarǵa jutyp qoıý múmkіndіgі bar zattardy bermeýge, usaq-túıek zattarmen olardy oınatpaýǵa jáne nazarda ustaýǵa keńes beredі, - dep habarlaıdy basqarma.

Basqa da mańyzdy jańalyqtar Telegram arnamyzda!