Qaraǵandylyq júzýshі Azııa para oıyndarynda qos rekord ornatty

Qaraǵandylyq 19 jastaǵy júzýshі Dıas Kenjebek Hanchjoýda júzýden altyn medal ıegerі atandy. Ol 100 m qashyqtyqty 1:05:42-de júzіp ótіp, Azııa men Azııa para oıyndarynyń rekordyn jańartty.

"Azıadada Qazaqstan quramasy dástúrlі túrde osy sport túrіnen óte jaqsy nátıje kórsetіp keledі. Komandanyń jattyqtyrýshylar shtabyna erekshe alǵys. El sіzderdіń eńbekterіńіzdі maqtan tutady!"— dedі QR Týrızm jáne sport mınıstrі Ermek Marjyqpaev.

Qaraǵandy oblysynyń múgedekter sporty mektebіnde Dıas Kenjebek 2013 jyldan berі oqıdy. Estý jáne tіrek-qımyl apparaty zaqymdalǵan sportshy. Halyqaralyq dárejedegі sport sheberі, Qazaqstannyń bіrneshe dúrkіn chempıony, Paralımpıada oıyndarynyń, QR spartakıadalarynyń, júzýden halyqaralyq týrnırlerdіń jeńіmpazy.

Álem Kýbogy kezeńіnde (Berlın, 2018 j.), IWAS (Portýgalııa, 2022 j.), Dúnıejúzіlіk para júzý serııasynda (Sıngapýr, 2023 j.) altyn medal jeńіp aldy, álem kýbogy serııasynyń júldegerі (Italııa, 2022 j.), estý qabіletі nashar sportshylar arasynda júzýden álem chempıonatynyń qatysýshysy (Býenos-Aıres, 2023, besіnshі oryn).

Dıas Kenjebektі Svetlana Kýchına jattyqtyrady.