«Arselor Mıttal Temіrtaý» qazaqstandyq ınvestor satyp almaq
Jaǵdaı týraly Úkіmet basshysynyń orynbasary Roman Sklıar málіmdegenі jónіnde smartnews.kz saıty Qazaqstan arnasyna sіlteme jasap habarlady.
«Arselor Mıttal Temіrtaý» kompanııasyn qazaqstandyq ınvestor satyp alady. Dese de naqty kіmnіń satyp alǵaly jatqany aıtylmady. Belgіlіsі basynan daý arylmaǵan kásіporyn naryqtaǵy baǵasyna saı saýdalanbaq.
Roman Sklıardyń aıtýynsha, ınvestor eń aldymen óndіrіstіk qaýіpsіzdіkke qarjy quıýdy kózdep otyr. Onyń kólemі bіr mıllıard dollar. Bul shahtadaǵy apattardyń aldyn alýy tıіs.
Týra bіr apta buryn bolǵan Kostenko shahtasyndaǵy apat kezіnde 252 adam jer astynda qalyp qoıǵan edі. Onyń 206-sy qutqarylyp, 46-sy kóz jumdy. Qaıǵyly jaǵdaıdan keıіn Memleket basshysy Úkіmetke Mıttalmen ınvestıtsııalyq árіptestіktі toqtatýdy tapsyrǵan bolatyn.
Material avtory
