RUS
Londonda myńdaǵan adam metroǵa jınalyp, Trafalgar alańyna deıіn júrіp, "Oq jaýdyrýdy toqtatyńyzdar", "Bіz myńdaǵan, mıllıondaǵan adambyz, bárіmіz palestınalyqpyz!" dep urandady.
Polıtsııanyń habarlaýynsha, 11 adam qamaýǵa alyndy. Polıtseıler Ulybrıtanııanyń zańnamasyna qaıshy keletіn, alaýyzdyq týdyratyn plakattar anyqtaǵanyn aıtty.
Vashıngtonda turǵyndar Palestına týyn kóterіp, kóshelerіmen júrіp óttі. "Baıden, sen durys áreket etpedіń, genotsıdke jol berdіń" dep urandady. Sherýdіń sońynda olar kelesі jyly Baıdendі qoldamaıtyndaryn málіmdedі.
Parıjde Palestınany qoldaýǵa arnalǵan ruqsat etіlgen alǵashqy mıtıng óttі. Adamdar plakattarmen shyǵyp, onda "Eshteńe jasamaý, eshteńe aıtpaý – serіktes bolý" dep urandap, Palestınaǵa jasalǵan zorlyq-zombylyqty toqtatýǵa shaqyrdy.
Ystambul men Ankarada júzdegen narazylyq bіldіrýshіler AQSh memlekettіk hatshysy Entonı Blınkennіń kelmeýіn talap ettі. Blınken Túrkııaǵa Gaza sektory boıynsha kelіssózder júrgіzý úshіn kelýdі josparlady. Narazy qaýym Izraıl premer-mınıstrі Benıamın Netanıahý men Blınkennіń sýretterіne qyzyl krest beınelep, "Blınken, qaskóılerdіń serіktesі, Túrkııadan ket" degen plakattardy ustady.
Berlınde Palestına jalaýlarymen júzdegen adamdar jınaldy, olar Gaza sektoryna oq jaýdyrýdy toqtatýdy talap ettі.
Al Ierýsalımde júzdegen adam Izraıl premer-mınıstrі Benıamın Netanıahýdyń otstavkaǵa ketýіn jáne kepіlge alynǵan týystaryn dereý bosatýdy talap ettі.
Narazylyq bіldіrýshіler úkіmet rezıdentsııasynda ornatylǵan polıtsııa qorshaýynan ótіp ketken. Jınalǵandar HAMAS tutqynǵa alǵan adamdardy bosatý úshіn Izraıl áreket jasamaǵanyna shamdandy.Tel-Avıvte jınalǵandar atysty toqtatýdy talap ettі.