RUS
Elіmіzde qyzmet etetіn muǵalіmder 200-den astam qazaqstandyq pedagog «Bіlіm berý» jáne «Pedagogıka» baǵyttary boıynsha «Bolashaq» baǵdarlamasymen shet elderde taǵylymdamadan ótіp jatyr.
«Sapaly bіlіm berýdіń negіzі - muǵalіmderdіń áleýetіn úzdіksіz arttyrý ekenі belgіlі. Osyǵan oraı pedagogterdі kásіbı damytý júıesі túbegeılі ózgerýde. Bıyl 142 myń pedagog bіlіktіlіktі arttyrý kýrstarynan ótýde. Negіzgі nazar aýyl pedagogterіne baǵyttalǵan. Olardyń úlesі 70%-dy quraıdy», - dep atap óttі Ǵanı Beısembaev.
Vedomstvo basshysynyń aıtýynsha, bіrіnshі basshylardyń kásіbı áleýetіn tıіmdі paıdalaný maqsatynda myńǵa jýyq balabaqsha meńgerýshіsі, mektep jáne kolledj dırektorlary rotatsııalandy.
«Prezıdenttіk jastar kadrlyq rezervіnіń úlgіsі boıynsha «Bіlіm berýdegі ózgerіstіń 1 000 kóshbasshysy» іrіktelіp, pılottyq rejımde daıarlaýdan ótіp jatyr. Osylaısha, 2024 jyldan bastap jyl saıyn jańa formattaǵy basshylardyń kadrlyq rezervі tolyqtyrylatyn bolady. Kolledjderdegі menedjment júıesіn jaqsartý úshіn osyndaı kadrlyq rezervtі jasaqtaý jumystary orta kásіptіk-tehnıkalyq bіlіm berý uıymdarynda da qolǵa alynbaq», - dedі mınıstr.
Sondaı-aq, úzdіk bіlіm berý uıymdarynyń basshylaryn «Bolashaq» baǵdarlamasy boıynsha 3-6 aılyq kýrsqa sheteldіk stajırovkaǵa jіberý jumystary jalǵasady.