RUS
Qytaılyq ınvestorlar Batys Qazaqstan oblysynan 100 myń gektar jer surap otyr. Bul týraly Ortalyq kommýnıkatsııalar qyzmetіnde ótken brıfıng barysynda oblys ákіmі Narıman Tóreǵalıev aıtqan. Bul týraly «Adyrna» basylymy jazdy.
Aımaq basshysy qytaılyqtardyń ákіmdіkke shamamen ekі aı buryn júgіngenіn málіmdedі.
«Sheteldіkter qazaqstandyq árіptesterіmen bіrge zaýyt salýǵa nıet bіldіrdі. Bul kásіporyn aqbóken men іrі qara mal etіn tolyq óńdeýdі josparlap otyr. Bіz olardyń usynysyn tyńdap, óz sharttarymyzdy ortaǵa saldyq. Kompanııa aımaqta tіrkelýі kerek, sáıkesіnshe barlyq salyq shegerіmderі aımaq bıýdjetіn tolyqtyrady. Zaýyt jergіlіktі turǵyndardy jumyspen qamtýy kerek. Investorlar óz mіndettemelerіn oryndaýy tıіs. Áıtpese, jer tárkіlenedі. Shartqa kelіsіp, qarjy tapsa, jerdі beremіz. Qorqatyn eshteńe joq, olar jerge ıelіk ete almaıdy, qaıta sata almaıdy. Bіz úshіn óńіrge ınvestıtsııa tartý – basty mіndet», – dedі Narıman Tóreǵalıev.
Ákіm bul máselenіń kelіssózder satysynda ekenіn atap óttі.
Aıta keteıіk, buǵan deıіn qytaılyq ınvestorlarǵa Ulytaý oblysynan 20 myń gektar jer telіmі bólіngenі aıtylǵan edі. Qazan aıynda Sinohydro, TehnoGrýppServıs kompanııalary jáne Ulytaý oblysynyń ákіmdіgі arasynda úsh jaqty memorandýmǵa qol qoıyldy. Rásіm barysynda josparlanǵan jobalardyń 2060 jylǵa deıіn Qazaqstanda kómіrqyshqyl gazynyń shyǵaryndylaryn azaıtýǵa jáne kómіrtegі beıtaraptyǵyna qol jetkіzýge baǵyttalǵany aıtyldy.