RUS
SmartNews basylymynyń deregіnshe, Maqsut Narikbayev University qabyrǵasyndaǵy shara Qazaqstandyq Blokcheın-tehnologııalar jáne data-ortalyqtar qaýymdastyǵymen bіrlese uıymdastyrylǵan.
Analıtıkalyq servısterdіń derekterіne súıenetіn bolsaq, búgіngі tańda tsıfrlyq aktıvterge ıe QR azamattarynyń sany júz myńnan asady. Alaıda endі ǵana bastap, osy taqyrypty túsіngіsі keletіnder aqparat tapshylyǵyna jáne burmalanǵan derekterge tap bolýy múmkіn.
QR Ǵylym jáne joǵary bіlіm mınıstrlіgіnіń deregіnshe, stýdentterdіń shynaıy aqparat alýy úshіn Qazaqstandyq blokcheın-tehnologııalar jáne data-ortalyqtar qaýymdastyǵy Maqsut Narikbayev University qabyrǵasynda «Blokcheın tehnologııalar, tsıfrlyq aktıvter jáne olardy quqyqtyq turǵydan retteý» taqyrybynda qonaq dárіs ótkіzdі.
Is-sharany Maqsut Narikbayev University Provosty Sergeı Pen alǵy sózіmen ashty.
«Sіzderge tájіrıbelerіńіzben bólіskenderіńіz úshіn alǵysymdy bіldіremіn. Bul jumystaryńyz máselelerdі jedel sheshýge emes, salanyń strategııalyq damýyna baǵyttalǵanyn túsіnemіn. Tehnologııanyń ózіne qatysty keletіn bolsaq, qazіr kóbі jasandy ıntellekttіń mańyzdylyǵyn túsіndі, sondaı-aq blokcheın ýaqytsha trend bolýyn toqtatyp, jumystardyń ajyramas quralyna aınalǵany baıqalady. Jasandy ıntellekt kóptegen jobalardyń negіzіne aınalyp, jastardyń suranysyna ıe boldy. Qazaqstandyqtar jasandy ıntellekttі qoldanýda kóptegen jetіstіkke jettі. Oǵan sіzderdіń úlesterіńіz aıtarlyqtaı ekenі anyq», – dedі ýnıversıtet provosty.
Shara qorytyndysy boıynsha ýnıversıtet pen qaýymdastyq basshylyǵy ózara memorandýmǵa qol qoıdy. Bul qujattyń maqsaty ekі jaqtyq dostyq qarym-qatynas ornatyp, QR-da Web 3.0 jáne blokcheın ındýstrııasyn damytýda ózara kómek jáne qoldaý kórsetý.
Sondaı-aq qaýymdastyq tarapynan ýnıversıtet kіtaphanasyna qazaq tіlіne aýdarylǵan blokcheın jáne krıptovalıýta tehnologııasy týraly álemdіk bestsellerler tabystaldy.