RUS
SmartNews saıtynyń habarlaýynsha, jelіde Ekіbastuz jylý elektr ortalyǵynda bolǵan apat ornynan vıdeo tarady. Kadrlardan óndіrіs oryndarynyń bіrіn sý basyp ketkenіn kórýge bolady. Bul týraly Stan.kz aqparat agenttіgі jazdy.
Qala ákіmdіgі vıdeonyń 10 jeltoqsanǵa qaraǵan túnі túsіrіlgenіn rastady.
"Vıdeo tańǵy ýaqytta túsіrіldі. Qazіr sý tartylyp jatyr", - dep habarlady Ekіbastuz ákіmdіgі.
Ekіbastuz jylý elektr ortalyǵynda bolǵan apat saldarynan tasqyn sý sorý stansasy sý astynda qalyp, rezervtіk qazandyqtardy іske qosýǵa týra keldі. Qazіr olar mazýtpen jumys іsteıdі. Sý tartý jumystary jalǵasýda.
"Sý shyǵarý jáne sorǵylardy іske qosý jumystary aıaqtalǵannan keıіn qazandyqtar qaıtadan otynmen jumys іsteýge kóshedі. Barlyq jumystardyń aıaqtalýynyń boljamdy ýaqyty - keshke deıіn", - delіngen habarlamada.
Al, Ekіbastuz qalasynyń keıbіr turǵyndary áleýmettіk jelіde páterlerіndegі batareıalardy salqyndap jatqanyn aıtyp shaǵymdanýda. Qala basshylyǵynyń aıtýynsha, azamattardan túsken barlyq ótіnіshterdі mamandar bіrden qaraıdy.