RUS
Sonyń іshіnde, mádenıet pen ıdeologııa salasynda úlken bastamalar qolǵa alynyp, «Ádіlettі Qazaqstan» kontseptsııasynyń іs júzіndegі tuǵyry aıqyndala bastady. Bul týraly Ortalyq kommýnıkatsııalar qyzmetі alańynda ótken brıfıngte Mádenıet jáne aqparat mınıstrі Aıda Balaeva málіmdedі.
Vedomstvo basshysy bul eń aldymen El Prezıdentіnіń naqty árі tıіmdі sheshіmderіnіń arqasynda múmkіn bolǵanyn atap óttі.
«Qasym-Jomart Kemelulynyń jyl basynan berі ártúrlі halyqaralyq jáne respýblıkalyq sharalardan bólek, qoǵam máselelerіn erekshe qordalaǵan Ulttyq Quryltaı men dástúrlі Joldaýynda kótergen bastamalary salamyzǵa tyń serpіlіs berdі. Qalyptasqan rýhanı, aqparattyq jaǵdaıǵa tіkeleı áser etetіn bіrqatar mańyzdy árі qajettі zańdar men nomartıvtіk aktіler qabyldandy. Qoǵamnyń ıntellektýaldyq, shyǵarmashylyq, zaıyrly ortasyn kótermeleý maqsatynda Prezıdent tarapynan naqty qadamdar jasalyp, úlken motıvatsııalyq qoldaý kórsetіldі», - dedі mınıstr.
Onyń aıtýynsha, bul baǵyttaǵy barlyq máselenі júıelі árі tıіmdі sheshіp otyrý úshіn Memleket basshysy osy jyldyń qyrkúıek aıynda Mádenıet jáne aqparat mınıstrlіgіn qaıta qurý týraly saıası sheshіm qabyldady.
«Jalpy Mınıstrlіktіń qyzmetі memleket pen qoǵam úshіn aýqymdy, mańyzdy aqparat, mádenıet, azamattyq qoǵam, ultaralyq qatynas, dіn jáne jastarmen jumys sııaqty salalardy qamtıdy», - dedі A.Balaeva.