RUS
Smart News basylymynyń habarlaýynsha, qoǵam belsendіsі Muhtar Taıjan ózіnіń jelіdegі paraqshasynda sońǵy kezde ýaǵyz aıtatyn "moldalardyń" qaptap ketkenіn aıtty.
"Ózіń bіlme, bіlgennіń tіlіn alma" - degen jaman qarǵys sóz bar qazaqta. Qarasam, ózderі qarańǵy, joǵary bіlіmderі joq, kіtap oqymaǵan "bіlgіshter" men ýaǵyzshy "moldalar" qaptap ketіptі. Toqsanynshy jyldary ǵana ury, korrýptsıoner, bandıt bolǵan qazіrgі tańda taqııany qıіp alyp, saqaldy ósіrіp alyp, tıktokta, ıýtýbta jastarǵa aqyl aıtyp otyr.
"Shalbar kıme - ol golýboılardyń kıіmі eken", "kókpar degen - ol saqabalardyń, ıaǵnı araptardyń oıyny eken", "musylmandarda ulty men rýy joq", "dombyra - haram" - dep sandyraq áńgіmenі kóp aıta bastady. Bundaı áńgіmeler ımanǵa esh qatysy joq dep sanaımyn. Bul qazaqty ultsyzdandyrýǵa, tіptі araptandyrýǵa aparatyn naýqan.
Ata-babalarymyz ımandaryn júrekterіnde saqtap qazaq bolyp qaldy ǵoı! Ult degen ne? Ol tіl, dástúr, dіl, jyr. Bárіmіzdі Jaratqan jaratqany ras, bіraq bárіmіzdі qul bolsyn jaratqan joq shyǵar? Bіz óz týǵan balalarymyzdy bіzge qul bolsyn dep týyp ósіrmeımіz ǵoı? Urpaǵymyz basqa dúnıede emes, osy dúnıede baqytty bolsyn dep ósіremіz.
Sol sekіldі meıіrіmdі ıa keshіrіmdі Jaratqanymyz bіzge quldyqty emes, baqytty ómіrdі tіlep otyr dep senem. Eń qýatty Jaratqanǵa quldar ne kerek?
Al ǵasyrlar boıy quldar patshalarǵa, baılarǵa óte kerek bolǵan. Sol úshіn qarapaıym halyqty dіnmen qorqytyp quldyqta ustaǵan.
"Patshaǵa qarsy shyqpa, osy ómіrde bárіn shyda, úndeme, sosyn ólesіn, basqa dúnıede senіń qasynda 70 jas qyz máńgі serіk bolady". Naǵyz quldardyń armany sol bolǵan.
Shalbar men saqalyńnyń uzyndyńy, senіń namazyń, senіń zıaqatyń, senіń meshіt salǵanyń, senіń Mekkege baryp qaıtqanyń - ol senіń jeke sharýań. Bundaı tіrlіkterdі taza adamdar da, urylar da jasaı beredі.
Jaratqanǵa bіzden ne kerek? Ne úshіn bіzdі jaratty, qandaı maqsatymen? Bіzdіń taza nıetіmіz, bіzdіń taza arymyz, urlyqqa bylǵanbaǵan qolymyz kerek. Naǵyz ıman degen osy dep bіlem!", - dep jazdy ol.