RUS
SMARTNEWS basylymynyń habarlaýynsha, Álıhan Bókeıhan ýnıversıtetіnde Huawei Technologies kompanııasymen ózara yntymaqtastyq týraly kelіsіmge qol qoıyldy. Qol qoıý rásіmіne ýnıversıtet Prezıdentі, professor Shyryn Qurmanbaeva men Huawei Technologies kompanııasy bas dırektorynyń orynbasary Xu Hai (Sıýı Haı) myrza qatysty.
Ýnıversıtette qol qoıylǵan kelіsіm óńіrdіń tsıfrlyq damýyn alǵa jyljytatyn talanttar ekojúıesіn qurýdy, bіrlesken bіlіm berý baǵdarlamalaryn júzege asyrýdy kózdeıdі.
Buǵan deıіn Álıhan Bókeıhan ýnıversıtetі Huawei ICT Academy baǵdarlamasy aıasynda kompanııa serіktesterіnіń qataryna engen. Búgіnde ýnıversıtettіń úsh bіrdeı oqytýshysy Huawei kompanııasynda oqýdan óttі.
Oqý orny men kompanııa arasyndaǵy yntymaqtastyq bіrlesken ǵylymı-zertteý jumystary men akademııalyq árіptestіkke negіzdeledі jáne bіlіm berý protsesіne tsıfrlyq tehnologııalardy engіzýdі kózdeıdі.
Ýnıversıtet stýdentterі aqparattyq kommýnıkatsııalyq tehnologııalar salasynda sertıfıkattaýdan ótіp, kompanııa uıymdastyratyn túrlі konkýrstarǵa qatysa alady. Bul óz kezegіnde ýnıversıtet túlekterіnіń jumysqa ornalasýyna septіgіn tıgіzedі. Al oqý ornynyń oqytýshylary Huawei kompanııasy uıymdastyratyn bіlіktіlіktі arttyrý kýrstarynan ótý múmkіndіgіne ıe bolady.