RUS
SMARTNEWS basylymynyń habarlaýynsha, Sátbaev ýnıversıtetіnіń stýdentterі múmkіndіgі shekteýlі jandarǵa dárі-dármektі jyldam jetkіzetіn ushatyn apparat jasap shyǵardy. Geksakopter dep atalatyn ushqyshsyz ushatyn qurylǵyny «Elektrotehnıka, telekommýnıkatsııalar jáne ǵaryshtyq tehnologııalar» kafedrasyndaǵylar qurastyrǵan.
Ǵylym jáne joǵary bіlіm mınıstrlіgіnіń málіmetіne súıensek, qurylǵy az qabatty úıler men alys aýyldarǵa dárі-dármek jetkіzýge arnalǵan.
Joba jetekshіsі, Sátbaev ýnıversıtetіnіń qaýymdastyrylǵan professory Abdýmejıt Daraevtyń aıtýynsha, magıstranttar men stýdentter toby kez kelgen jaǵdaıda qolaısyz aýa raıynda nemese jol talǵamaıtyn jaǵdaıda dárіgerler jedel medıtsınalyq kómek kórsete alatyn geksakopter jasaýdy ózderіne maqsat etіp qoıǵan.
Dárі-dármektі jetkіzý úshіn ushqyshsyz ushý apparattaryn paıdalaný kólіk shyǵyndary men jetkіzý ýaqytyn qysqartýǵa múmkіndіk beredі. Ol úshіn dron navıgatsııada óte senіmdі, sonymen qatar óz fýnktsııalaryn qaltqysyz, dál oryndaı alatyn bolýy kerek. Sondaı-aq dárі-dármek jetkіzý qaýіpsіzdіgіn qamtamasyz etý úshіn onyń júk kótergіsh qabіletі de shekteýlі bolady.
Ushqyshsyz ushý apparattarynyń manevrlіk jáne dál ushý qabіletі óte joǵary, sondyqtan olar dárі-dármektі eń qıyn jerlerge de jetkіzýge múmkіndіk beredі.