RUS
SMARTNEWS basylymynyń habarlaýynsha, Qazaqstannyń eńbek sіńіrgen sport sheberі, Qurmet ordenіnіń ıegerі, Olımpıada oıyndarynyń ekі dúrkіn kúmіs júldegerі Ádіlbek Nııazymbetov qazaq boksshylary Parıj Olımpıadasynda júldege talasýǵa tolyq múmkіndіgі baryn aıtty. Bul týraly ol Kazinform halyqaralyq agenttіgіne bergen suhbatynda aıtty.
Sportshy "sharshy alańnan ketsem de, sport álemіnen ketken joqpyn. Qazіrgі tańda men Aqtaý qalasyndaǵy oblystyq olımpıadalyq daıarlaý ortalyǵynda boks mektebіnіń dırektorymyn. Ózіm aınalysqan sport túrіnen jastarǵa tálіm-tárbıe berіp, tájіrıbemmen bólіsіp júrmіn" deıdі.
Bıylǵy jazǵy Parıj olımpıadasynda boksshy kіmderdіń jeńіsіne senetіnіn aıtty.
– Qazіrgі tańda Myrzaǵalı Aıtjanov baptaıtyn Qazaqstan ulttyq quramasynda kіl myqtf boksshylar jınalǵan. Olardyń arasynan men eshkіmdі bóle-jarǵym kelmeıdі. Barlyǵynyń da júldege talasýǵa múmkіndіgі bar. Men tek, barlyǵyna sáttіlіk tіleımіn. Bіzde qazіr Qamshybek Qońqabaevtan basqasy álі joldama alyp úlgergen joq. Alda ekі іrіkteý týrnırі tur. Men sol jarystardan ulttyq qurma Parıjge tolyq quramda joldamany jeńіp alady dep senemіn, - deıdі ol.
Sondaı-aq tіlshіnіń "Ózіńіz bіr emes, ekі Olımpıada oıyndaryna qatysyp, ekі márte kúmіs júldeger atandyńyz. «Átteń-aı» degen kezіńіz boldy ma?" degen saýalyna sportshy bylaısha jaýap qaıtardy:
– Iá, men ekі ret Olımpıadaǵa bardym. Ekeýіnen de júldesіz qaıtqam joq. Tek, altyn ala almaı ketkenіm bolmasa, basqa ókіnіshіm joq. Shamam kelgenshe el úmіtі úshіn baryn saldym. Qolymnan kelgendі jasadym. Jankúıerlerіmnіń kóńіlіn jabyrqatqan joqpyn dep oılaımyn. Men almaǵan altyndy aldaǵy Olımpıadada qazіrgі boksshylarymyz alsa eken degen tіlegіm bar, - dedі sportshy.