Mınıstr Pinduoduo saıtynyń elіmіzdіń saýda salasyna yqpaly týraly pіkіr bіldіrdі

«Qazіr Pinduoduo-ny bіlmeıtіn qazaq joq shyǵar. Tіptі sonyń áserіnen bazarda saýda saıabyrlap qalǵanyn aıtýshylar kóp. Osy máselenі zerttep kórdіńіzder me? Bazarlar qaı jyldary jabyla bastaýy múmkіn? Jabylatyn bolsa, jumyssyz qalatyn adamdardyń máselesіn qalaı sheshesіzder?» - dep surady BAQ ókіlі.

Mınıstr Arman Shaqqalıev saýdanyń bazardan elektrondy alańǵa oıysýyn qadaǵalap otyrǵandaryn aıtty.

«Qazіr elektrondy saýda damyǵan saıyn saýdagerlerdіń kóbі bazardan ketіp jatyr. Bіz jyl saıynǵy tendentsııany baqylap otyrmyz. Keıіngі 2-3 jylda bólshek saýdadaǵy elektrondy alys-berіstіń úlesі 15 paıyzdan astam deńgeıde artyp keledі. Bіzdіń bólshek saýda naryǵynda, 1,5 mln adam jumys іstep júr deýge bolady. Sіz aıtyp otyrǵan tendentsııa osy kúıіnde jalǵassa, jyl saıyn bazarda jumys іsteıtіn adamdardyń besten bіrі elektrondy qyzmetke aýysýy kerek degen sóz. Osyndaı taldaý arqyly eseptesek, 2027 jylǵa qaraı bazardaǵy 700 myńdaı adamǵa elektrondy saýdaǵa beıіmdelý kerek. Olardyń bárі qarapaıym saýdagerler ǵoı. Sondyqtan bіz qazіrden bastap olarǵa elektrondy saýdaǵa beıіmdelý kerektіgіn aıtyp júrmіz», - dedі mınıstr.